ހުޅުމާލޭގައި ބައެއް ޓެކްސީ ޑްރައިވަރުން ކުރިއަށްގެންދިޔަ އިހުތިޖާޖުގެ ތެރެއިން ވެހިކަލްތަކަށް ސިނަމާލެ ބްރިޖަށް ނޭރޭ ގޮތަށް ހުޅުމާލެ މަގު ބްލޮކް ކުރި މައްސަލައިގައި ހައްޔަރުކޮށް ބަންދުކުރި ދެ ޑްރައިވަރުން ޝަރުތުތަކާ އެއްކޮށް ހުޅުމާލޭ މެޖިސްޓްރޭޓް ކޯޓުން މިއަދު ދޫކޮށްލައިފި އެވެ.

ދެ ޑްރައިވަރުން:

Ad by Hajj Corporation

މއ. ވިރާހު، މުޙައްމަދު ޝާމިން

ލ. ދަނބިދޫ ސަންރޭ، އަހުމަދު ޝަބީން

މުޙައްމަދު ޝާމިން އާއި އަޙްމަދު ޝަބީން ދޫކޮށްލި ނަމަވެސް ޑްރައިވާސް އެސޯސިއޭޝަންގެ އިންތިޒާމް ސެކްރެޓަރީ މިސްބާހު ޝަރީފު އަދިވެސް ހުރީ ބަންދުގަ އެވެ. އޭނާގެ ބަންދަށް ފަސް ދުވަސް ވަނީ ޖަހާފަ އެވެ.

ސަރުކާރުން، ޓެކްސީ ޑްރައިވަރުން މަގުމަތިކޮށްފައިވާކަމަށް ބުނެ ކުރިއަށް ގެންދިޔަ މި އިހުތިޖާޖު ފުރަތަމަ ބޭއްވީ ބުދަ ދުވަހުގެ ހަވީރު ހުޅުމާލޭ ރުއްގަނޑު ސަރަހައްދުގަ އެވެ.

އެހެންނަމަވެސް މި އިހްތިތާޖު އެރޭ ފަހުން ވަނީ ހުޅުމާލެއިން ބްރިޖަށް އަރަން އޮންނަ މަގާ ދިމާލަށް ބަދަލުކޮށްފަ އެވެ. ޑްރައިވަރުން ވަނީ އެ މީހުންގެ ޓެކްސީތައް ބޭނުންކޮށްގެން އެ މަގު ބަންދުކޮށް، ހައިވޭއަށް ނޭރޭގޮތް ހަދާފަ އެވެ.