އެސްޓީއޯގެ ސަބްސިޑަރީ ކުންފުނި، ފިޔުލް ސަޕްލައިސް މޯލްޑިވްސް (އެފްއެސްއެމް)ގެ އައު އެމްޑީކަމަށް ފާތިމަތު އާޝަން އައްޔަނުކުރައްވައިފިއެވެ.

އެފްއެސްއެމްގެ އެމްޑީއަކަށް އާޝަން އައްޔަނުކުރައްވާފައިވަނީ މިއަދުއެވެ. އެކަން އިއުލާންކޮށް މައި ކުންފުނި އެސްޓީއޯ އިން ވަނީ މަރުޙަބާ ދަންނަވަފާއެވެ.

Ad by Hajj Corporation

އެފްއެސްއެމްެގެ އެމްޑީއަކަށް އާޝަން އައްޔަނުކުރެވުމާއެކު، އެސްޓީއޯގެ ތާރީޚުގައި ވެސް އެ ކުންފުނީގެ ގްރޫޕު ކުންފުންޏެއްގެ ވެރިއަކަށް އަންހެނަކު ހަމަޖެއްސި ފުރަތަމަ ފަހަރަށް އާޝަން ވީއެވެ.

މީގެ ކުރިން ވެސް އެސްޓީއޯގެ ގްރޫޕުގެ މަގާމުތަކެއް ފުރުއްވި އާޝަން ވަނީ އެސްޓީއޯގެ ދަށުން މިފްކޯ ހިންގިއިރު، އެ ކުންފުނީގެ ޑީއެމްޑީގެ މަގާމު ވެސް ފުރުއްވާފައެވެ.

އާޝަން އެ މަގާމަށް އައްޔަނުކުރައްވާފައިވަނީ މި ސަރުކާރު ވެރިކަމަށް އައިފަހުން އެ ކުންފުނި ހިންގެވުމާ ހަވާލުވެ ހުންނެވި  އިސްމާއިލް ސުހެއިލް އެ މަގާމުން އިސްތިއުފާ ދެއްވުމާ ގުޅިގެންނެވެ. ސުހައިލް އެ މަގާމުން އިސްތިއުފާ ދެއްވީ، އެފްއެސްއެމްގެ އިން ތެޔޮ ވިއްކުމުގެ މައްސަލަތަކެއް ފެންމަތިވެ، އެ ކުންފުނިން 40 އަށް ވުރެ ގިނަ މުވައްޒަފުން ވަކިކޮށް، އެ މައްސަލަ ތަހުގީގުކުރަމުން ދަނިކޮށެވެ.

ސުހައިލްގެ މައްޗަށް ވެސް ވައްކަމުގެ ތުހުމަތު ކުރެވުނު ނަމަވެސް، އެ ތުހުމަތުތައް އޭނާ ދޮގު ކުރައްވައެވެ.