މިފްކޯ ހިންގުމުގައި އެއްވެސް ނުފޫޒަކަށް ޖާގަ ނުދޭނަން : ސީއީއޯ ޑރ. ވިތާލީ
19 ޑިސެމްބަރު 2024 - 05:32
މިފްކޯ ހިންގުމުގައި އެއްވެސް ނުފޫޒަކަށް ޖާގަ ނުދޭނެކަމަށް އައު ސީއީއޯ ޑރ. ވިތާލީ ވިދާޅުވެއްޖެއެވެ.
2024 ޑިސެންބަރު 15ގައި މިފްކޯގެ ސީއިއޯ ޑރ. ވިތާލީ ލިބިމޮފް ، އަހްމަދު ނާސިރް ހިޔުމަން ރިސޯސް ޑިޕާޓްމެންޓްގެ އައު ޖެނެރަލް މެނޭޖާ ގޮތުގައި ވަނީ އައްޔަންކޮއްފައެވެ. ނާސިރު މިމަގާމަށް އަންޔަން ކޮއްފައި ވަނީ ހިއުމަން ރިސޯސް މެނޭޖަމަންޓުގެ ދާއިރާގައި ފުޅާދާއިރާ ތަޖުރިބާ ލިބިފަވާތީ ކަމައްށާއި މިކަމައް އެންމެ ރަގަޅު ތަޖުރިބާ ހުރިކަމަށް ބެލެވޭތީއެވެ.
މިފްކޯއިން ބުނީ އޭނާ އެ މަޤާމާއި ހަވާލުވެވަޑައިގެންނެވީ މިފްކޯއާ މެދު ރައްޔިތުންގެ މެދުގައި އޮންނަ އިތުބާރު އިތުރުކުރުމަށްކަމަށެވެ. އެގޮތުން ސިޔާސީގޮތުންވެސް އަދި އެނޫން ގޮތަކުންވެސް އެއްވެސް ނޫފުޒެއް ބަލައިނުގަންނާނެ ކަމަށް ސީއީއޯ ޑރ. ވިތާލީ ވިދާޅުވިއެވެ.
ޑރ. ވިތާލީ ވަނީ މިފްކޯގެ މެނޭޖްމެންޓް އަށް ނުފޫޒު ފޯރަން އުޅޭ އިތުރު އެއްވެސް ސިޔާސީ ބާރެއް ތަޙަމަލް ނުކުރަނެ ކަމަށާއި މިގޮތައް އަމަލުކުރާނޭ މީހުންގެ ނަން އާންމުންނައް ހާމާކުރާނޭކަމަށް ބުނެފައެވެ. އަދި ޑރ. ވިތާލީ ވަނީ މިކަހަލަ ކަމެއް ތަކުރާރު ވެއްޖެނަމަ އަޅަން ޖެހޭނޭ ފިޔަވަޅެއް އަޅަން ފަސް ނުޖެހޭނޭ ކަމަށާއި މީގެއިތުރުން މަތީ މަގާމުގައި ތިއްބެވި ސިޔާސީ ފަރާތްތަކަށް މިފްކޯއަށް ނުފޫޒު ނު ފޯރުވޭނޭ ކަމަށް ވެސް ބުނެފައެވެ.
" ސިޔާސީ ގޮތުން އެއްވެސް ނުފޫޒެއް ފޯރުވަން ކުންފުނީގެ މައްޗަށް މަސައްކަތް ކުރާނަމަ، އެކަން ވަގުތުން ހުއްޅުވާނަން " އެކަހަލަ އެއްވެސް ކަމަކަށް އެއްވެސް ޖާގައެއް ނުލިބެނެ"
ސަރުކާރުގެ މިހާރުގެ އަމާޒަކީ މިފްކޯ ހަރުދަނާކޮށް އެ ކުންފުންޏަކީ ދައުލަތުގެ ބަޖެޓުން ފައިސާ ދޭންނުޖެހޭ ކުންފުންޏަކަށް ބަދަލު ކުރުން ކަމަށާ، އަމާޒުހުރީ އެދިމާލަށް ކަމަށް ސަރުކާރުން ބުނެއެވެ.
މިފްކޯ ހަރުދަނާ ކުރުމުގެ މަސައްކަތް ސަރުކާރުން ފެށީ ރާއްޖޭގެ އިގްތިސާދު ހަރުދަނާކުރުމަށްކަމަށް ގިނަ ފަރާތްތަކުން ދެކެއެވެ
