ބޭންކް އޮފް މޯލްޑިވްސް (ބީއެމްއެލް)ގެ 40 ވަނަ މުނާސަބަތާ ގުޅިގެން އެ ކުންފުނިން ކޮންމެ އަހަރަކުވެސް ބައިނަލްއަޤްވާމީ ސްކޯލަރޝިޕް ތިން ފަރާތަކަށް ދިނުމަށް ހަމަޖެހިއްޖެއެވެ.

މި ސްކޯލަރޝިޕްއަށް އެ ކުންފުނިން ފުރިހަމައަށް ހަރަދުކުރާއިރު، މި ފުރުސަތު ހުޅުވާލެވިފަިވަނީ 18 އަހަރާއި 25 އަހަރުގެ ފަރާތްތަކަށެވެ. މި ގޮތުން މި ސްކޯލަރޝިޕްއަށް ކުރިމަތިލާ ފަރާތްތައް އޭ ލެވެލްގެ ފަސް މާއްދާއިން ފާސްވެ، ބޭންކިންގ އަދި ފައިނޭންސާ ގުޅުންހުރި ދާއިރާއަކުން ޔުނިވަރސިޓީ ޕްރޮގްރާމެއް އިޚްތިޔާރުކުރަންޖެހެއެވެ.

ޓިއުޝަން ފީއާއި، މަހުން މަހުން ސްޓައިޕެންޑް މި ސްކީމްގެ ދަށުން ދޭއިރު، މި އަހަރު މި ފުރުސަތު ލިބިފައިވަނީ ރީޝާމް މުހައްމަދާއި، ނޫރުހާން މުހައްމަދު މޫސާ ގެ އިތުރުން އައިޝަތު ޝާރާ ނަސީރުއަށެވެ.

ފާހަގަކޮށްލެވޭގޮތުގައި މިއީ މި ޕްރޮގްރާމު ކުރިއަށް ގެންދެވޭ ތިންވަނަ އަހަރެވެ.