ކުރިއަށް އޮތް ފަސް ގަޑިއިރުގެ ތެރޭގައި ވެސް، ރާއްޖޭގެ އެކި ސަރަހައްދުތަކަށް ބޯކޮށް ވާރޭވެހި، އުދަ ވެސް އަރާފާނެތީ ސަމާލުވުމަށް މޫސުމާ ބެހޭ ގައުމީ އިދާރާއިން އިލްތިމާސްކޮށްފިއެވެ.

މެންދުރު ޓީވީއަށް މައުލޫމާތު ދެމުން މެޓް އޮފީހުން ބުނީ، ރާއްޖެއަށް މިކުރާ ވިއްސާރައިގެ ސަބަބުން ކުރިއަށް އޮތް 5 ގަޑިއިރުގެ ތެރޭގައި ވެސް ވަރަށް ބޯކޮށް ވާރޭ ވެހޭނެ ކަމަށް ލަފާކުރެވޭ ކަމަށް. އަދި ބައެއް ރަށްރަށަށް އުދައިގެ އަސަރުވެސް ކުރާނެ ކަމަށެވެ.

Ad by Hajj Corporation

އެހެންކަމުން، މޫސުމަށް ސަމާލުކަންދީ، ކަމާގުޅޭ އިދާރާތަކުގެ އިރުޝާދުތަކަށް ސަމާލުކަން ދިނުމަށްވެސް މެޓުން އިލްތިމާސްކުރެއެވެ. ރާއްޖެއަށް މިހާރު މިކުރާ ވިއްސާރަ އަލިވާނެ ކަމަށް މެޓުން އަންދާޒާކުރަނީ އަންނަ ހޯމަ ދުވަހުއެވެ.

ރާއްޖެއަށް މިހާރުކުރަމުންދާ ވިއްްސާރައިގައި، ބ. އަތޮޅުން ފެށިގެން ތ އަތޮޅަށް ނެރުނު އޮރެންޖް އެލާޓް، މިރޭ 11 ޖެހުމާ ހަމައަށް މޫސުމާ ބެހޭ ގައުމީ އިދާރައިން ވަނީ ވެސް ދަންމާލާފައެވެ.