މޯލްޑިވްސް ކަސްޓަމްސް ސަރވިސްގެ މުވައްޒަފުންތަކަށް ތުހުމަތު ކުރެވޭ މަނީ ލޯންޑަރިންގ، ހިޔާނާތް އަދި ރިޝްވަތުގެ މައްސަލައެއް ފުލުހުންގެ ސަމާލުކަމަށް އައުމާ ގުޅިގެން، އެ މައްސަލައިގެ ތަޙުޤީގުކުރަމުންދާކަމަށް ފުލުހުން ބުނެފިއެވެ.

މިދިޔަ އަހަރުގެ އޮގަސްޓް 19 ވަނަ ދުވަހު މި ތަޙުޤީގު ފެށިފައިވާއިރު، މި މައްސަލައާއި ގުޅިގެން އިތުރު މަޢުލޫމާތެއް ފުލުހުން ހާމައެއް ނުކުރެއެވެ.

Ad by Hajj Corporation

މި މައްސަލައިގައި ކަސްޓަމްސްގެ ގާތްގަނޑަކަށް 20 އޮފިސަރުންގެ ބައިވެރިވުން އޮތް ކަމަށް ދަނީ ތުހުމަތު ކުރެވެމުންނެވެ. އަދި ރިޝްވަތުގެ ގޮތުގައި 400 މިލިއަން ރުފިޔާވެސް ނަގާފައިވާކަމުގެ ޚަބަރުތައްވެސް ދަނީ ފެންމަތިވަމުންނެވެ.

މިކަމާއި ގުޅިގެން ކަސްޓަމްސް އޮފީހުން އެއްވެސް މައުލޫމާތެއް ހިއްސާ ކޮށްފައެއް ނުވެއެވެ.

މައުލޫމާތު ލިބިފައިވަނީ އެ 20 އޮފިސަރުން ފައިސާ ހޯދާފައި ވަނީ ޑިއުޓީ އޮޅުވާލައިގެންނާއި ކަސްޓަމްސްއިން ދޭ އެހެނިހެން ހިދުމަތްތަކުގެ ތެރެއިން ކަމަށެވެ.