ސަރޖިއޯ ކޮންސެއިސާއޯ ކޯޗުކަމާއި ހަވާލުވެ، މިލާން ކުޅުނު ދެވަނަ މެޗުގައި ފަހަތުން އަރައި އިންޓަރ މިލާން ބަލިކޮށް، އޭސީ މިލާނުން ތަށިހޯދައިފިއެވެ. ސަޢުދީ އަރަބިއްޔާގެ އަލް-ޢައްވަލް ޕާރކް ގައި ކުޅުނު މިމެޗު މިލާނުން ކާމިޔާބުކުރީ 3-2 އިންނެވެ.

މިމެޗުގެ އޭސީ މިލާނުގެ ފުރަތަމަ ގޯލު ޖަހާފައިވަނީ ފުރަތަމަ ހާފުގެ އިތުރު ވަޤުތުގައެވެ. މިގޯލު ކާމިޔާބުކޮށްދިނީ ލައުޓާރރޯ މާޓީނޭޒް އެވެ. އަދި މިމެޗުގެ ދެވަނަ ހާފުގެ 2 ވަނަ މިނެޓުގައި އިރާނުގެ މެހްދީ ތާރެމީ ވަނީ އިންޓަރ އަށް އިތުރު ގޯލެއް ޖަހައިދީފައެވެ.

ފޯރިގަދަ ކުޅުމެއް ފެނުނު މިމެޗުގެ އޭސީ މިލާނުގެ ފުރަތަމަ ގޯލު ފެނުނީ މެޗުގެ 52 ވަނަ މިނެޓުގައެވެ. މިގޯލު ކާމިޔާބުކޮށްދިނީ ތެޔޯ ހެނާންޑޭޒް އެވެ. އަދި މެޗުގެ 80 ވަނަ މިނެޓުގައި ޕުލިސިޗް ވަނީ ގޯލުޖަހައި ނަތީޖާ ހަމަކޮށްދީފައެވެ. އޭސީމިލާން މޮޅުވި ގޯލު ކާމިޔާބުކޮށްދިނީ މެޗުގެ 90 މިނެޓު ހަމަވެ، އިތުރު ގަޑީގެ 3 ވަނަ މިނެޓުގައި ޓަމީ އެބްރަހަމް އެވެ.

މިމުބާރާތުގެ ފައިނަލުގައި 2022 ވަނަ އަހަރު މި ދެޓީމު ބައްދަލުކުރި މެޗު ކާމިޔާބުކުރީ އިންޓަރ މިލާނުންނެވެ. އަދި މި މުބާރާތުގެ ތަށި ވޭދުވެދިޔަ 3 އަހަރުވެސް ހޯދީ އިންޓަރ މިލާނުންނެވެ.

ރޭގެ ތަށްޓާއެކު އޭސީ މިލާނުން ވަނީ މިމުބާރާތުގެ ތަށި ޖުމްލަ 8 ފަހަރު ހޯދާފައެވެ.