އިޒްރޭލުން ގައްޒާގެ ހަމާސްއާ ދެކޮޅަށް ކުރަނީ ހަނގުރާމަ ނޫންކަމަށާއި، އިޒްރޭލުން ހިންގަމުން ދަނީ ޣައްޒާގެ ރައްޔިތުންގެ ނަސްލު ނައްތާލުމުގެ ޖަރީމާތަކެއްކަމަށް އިޒްރޭލުގެ ކުރީގެ ދިފާއީ ވަޒީރު  ރިޓަޔަޑް ޖެނެރަލް މޯޝޭ ޔުއާލޫން ވިދާޅުވެއްޖެއެވެ.

އޭނާ އެފެދައިން ވިދާޅުވީ އިޒްރޭލުގެ ނޫހެއް ކަމަށްވާ "ޔަދިއޮތު އަހްރަނޮތު" ދިން ބަސްދީ ގަތުމެއްގައިއެވެ.

Ad by Hajj Corporation

އެގޮތުން މޯޝޭ ވިދާޅުވީ، ހަމާސް ޖަމާއަތަކީ ޓެރަރިސްޓް ޖަމާއަތެއްކަމަށް އޭނާ ވެސް ގަބޫލުކުރާ ނަމަވެސް، ފަލަސްތީނުގެ މިނިވަންކަމަށް ކުރާ ކޮންމެ ކަމަކީ ޓެރަރިޒަމްގެ އަމަލެއް ކަމަށް ވެސް އޭނާ ގަބޫލުކުރާ ކަމަށެވެ. އެހެން ނަމަވެސް، ހަމާސްއާ ހަނގުރާމަ ކުރުމުގެ ނަމުގައި ކޮންމެ ދުވަހަކު ޣައްޒާގެ އާންމުންގެ ހަތްދިހަ ނޫނީ އައްޑިހަ ވަރަކަށް މީހުން މަރަން ޖެހޭ ސަބަބެއް ނޯންނާނެކަމަށް މޯޝޭ ވިދާޅުވިއެވެ.

މީގެކުރިން ވެސް މޯޝޭ މި މޭރުމުން ވާހަކަ ދެއްކުމުން އިސްރާއީލުގެ ހަރުކަށި ބޮޑުވަޒީރު ބެންޖަމިން ނަތަންޔާހޫގެ ސަރުކާރުންވަނީ ޔުއާލޫންގެ ވާހަކަތައް ކުށްވެރިކޮށް އޭނާ ދެއްކި އެ ވާހަކަތައް އަނބުރައި ގެންދިޔުމަށް ގޮވާލާފައެވެ.

އެހެން ނަމަވެސް އޭނާގެ ވާހަކަތަކަކީ ހަގީގަތްކަމަށާއި އެ ވާހަކަތައް އަނބުރައި ނުގެންނާނެ ކަމުގައި ބުނެ، މޯޝޭ ވަނީ ނަތަންޔާހޫ އަށް ވެސް ރައްދު ދެއްވާފައެވެ.