ލޯންޗަކުން ޖެހި ފަތުރުވެރިއަކު މަރުވެއްޖެ
އަޙްމަދު ޒަލީފް
10 ޖެނުއަރީ 2025 - 09:26
ލޯންޗަކުން ޖެހި މޫދުގައި އުޅުނު ފަތުރުވެރިއަކު މަރުވެއްޖެ އެވެ.
އެ ހާދިސާ ހިނގާފައި ވަނީ މިއަދު ހެނދުނު 10:00 ޖަހާކަންހާއިރު އެވެ.
.png&w=750&q=75)
Ad by Hajj Corporation
މި ހާދިސާއާ ގުޅިގެން މީޑިއާތަކަށް ފޮނުވި މެސެޖެއްގައި ފުލުހުން ބުނީ އެ މީހާއަކީ އދ. އަތޮޅުގެ ރިސޯޓެއްގައި ޗުއްޓީ ހޭދަކުރަމުންދިޔަ ފަތުރުވެރިއެއް ކަމަށެެވެ. އެ ހާދިސާ ހިނގީ ރެޑިސަން ބްލޫ މޯލްޑިވްސް ރިސޯޓު ބޭރު މޫދުގައި އެ މީހާ އުޅެނިކޮށް ކަމަށެވެ.
މި ހާދިސާގައި މަރުވެފައިވަނީ އާޖެންޓީނާ އަށް ނިސްބަތްވާ އުމުރުން 55 އަހަރުގެ ފިރިހެނެކެވެ.
ފުލުހުން އަންނަނީ މި މައްސަލަ ތަހުގީގު ކުރަމުންނެވެ.
