ގޯލްޑަން ފުޓްސަލް މުބާރާތުގައި އިއްޔެ ޖުމްލަ 12 މެޗު ކުޅެވުފައި ވެއެވެ. އެގޮތުން ހަވީރުގައި ރ އަދި އދ ގެ 4 މެޗު ކުޅެފައިވާއިރު ރޭގަނޑު ތ އަދި ށ ގެ 8 މެޗު ކުޅެފައިވެއެވެ.

Ad by Hajj Corporation

އިއްޔެ ހަވީރު ފުރަތަމަ ކުޅުނުމެޗުގައި ރ އަތޮޅު ގްރޫޕް 1 ގައި ބައްދަލުކުރީ މަޑުއްވަރި އާއި އަލިފުށި ކުލުނުމެޗު 3-3 އިންވަނީ އެއްވަރުވެފައެވެ. މިމެޗުގައި އަލިފުށީގެ އަހުމަދު ހުޝާމް ވަނީ ހެޓްރިކް ހަދާފައެވެ. ގްރޫޕް 2 ގައި އިނގުރާދޫ ވަނީ މީދޫ އަތުން ފަސޭހަކަމާއެކު 5-0 އިން މޮޅުވެފައިވާއިރު މެޗުގެ މޮޅުކުޅުންތެރުޔަކީ އިނގުރައިދޫގެ އަލީ ހާފިޒް (ހާއްޕެ) އެވެ.

އދ ގެ މެޗުތަކަށް ބަލާއިރު ދަނގެތި ވަނީ ކުނބުރުދޫ އަތުން 3-0 އިން މޮޅުވެފައެވެ. މިމެޗުގެ މޮޅުކުޅުންތެރިޔަކީ ދަނގެތީގެ މުހައްމަދު ނާއިމްއެވެ. އަދި އދ ގެ ދެވަނަ މެޗުގައި މަންދޫ ވަނީ އޮމަދޫ އަތުން ހަނިގޮތަކަށް 3-2 އިން މޮޅުވެފައެވެ.

ރޭގަނޑުގެ މެޗުތަކަށް ބަލާއިރު ވިލުފުށި ވަނީ 2-1 އިން ދިޔަމިގިލި އަތުން މޮޅުވެފައެވެ. އަދި އޮމަދޫއާއި ކިނބިދޫ ބައްދަލުކުރި މެޗު 2-2 އިން އެއްވަރުވެފައިވާއިރު، ހިރިލަންދޫ ވަނީ ގާދިއްފުށި ފަސޭހަކާމާއެކު 6-0 އިން ބަލިކޮށްފައެވެ. މިމެޗުގައި ގާދިއްފުށީގެ މުޙައްމަދު ނިޝާހު ވަނީ ހެޓްރިކް ހަދާފައެވެ. ބުރުނި ވޭމަންޑޫ 4-1 އިން ބަލިކޮށްފައިވާއިރު، ބުރުނީގެ މުޙައްމަދު ޝާމް ވަނީ ހެޓްރިކް ހަދާފައެވެ.

ށ އަތޮޅުގެ މެޗުތަކަށް ބަލާއިރު ކަނޑިތީމު ފެދޫ އަތުން 1-0 އިން ހަނިގޮތަކަށް މޮޅުވެފައިވާއިރު، މިލަންދޫ ވަނީ މަރޮށީގެ މައްޗަށް 3-0 ގެ ތަފާތަކުން މޮޅުވެފައެވެ. ބިލެތްފަހި ނަރުދޫ އަތުން 3-2 އިން މޮޅުވެފައިވާއިރު، މިމެޗުގެ މޮޅުކުޅުންތެރިޔަކީ ބިލެތްފަހީގެ އައިމަން (ޓަންނި) އެވެ. ރޭގެ ފަހުމެޗުގައި ގޮއިދޫ ވަނީ ޅައިމަގުއަތުން 2-1 އިން މޯލުވެފައެވެ.

މިމުބާރާތުގެ މިއަދު ޖުމްލަ 11 މެޗު ކުޅެވޭނެއެވެ. އެގޮތުން ހަވީރިގައި އއ ގެ މެޗުތައް ކުޅޭއިރު، މިރޭގައި މ، ސ، ފ އަދި ގދ ގެ މެޗުތައް ކުޅެވޭނެއެވެ.