ގޯލްޑަން ފުޓްބޯޅަ މުބާރާތުގެ ށ އަތޮޅުގެ ގްރޫޕް ސްޓޭޖް ގައި ގްރޫޕް 1 ގައި ބިލެތްފަހިން ކުޅުނު ދެވަނަ މެޗުވެސް ކާމިޔާބުކޮށްފިއެވެ. ރޭގައި ނަރުދޫއާއި ދެކޮޅަށް ކުޅުނު މެޗުގައި ފަހަތުން އަރައި ބިލްފަހިން ވަނީ ހިތްވަރު ދޫނޮކޮށް މެޗުގެ ނަތީޖާ އަނބުރާލާފައެވެ.

މެޗުގެ ގޯލުޖަހައި ކުރިހޯދީ ފުރަތަމަ ހާފުގައި ނަރުދޫއަށް ލިބުނު ޕެނަލްޓީއަކުން ނަރުދޫގެ މުހައްމަދު ނާއިޒް އެވެ. މެޗުގެ ފުރަތަމަ ހާފުގެ ބަދަލުކުޅުންތެރިއެއްގެ ގޮތުގައި ނިކުތް ބިލެތްފަހީގެ އަހުމަދު އިބްރާހިމް ވަނީ 2 ކުޅުންތެރިން އަތުން ނައްޓާލައި ގޯލުޖަހައި ނަތީޖާ ހަމަހަމަ ކޮށްދީފައެވެ. އެހެންނަމަވެސް ފުރަތަމަ ހާފުގެ ފަހު ސުކުންތުކޮޅުގައި ނަރުދޫގެ ވިޝާން ވަނީ ދެވަނަ ފަހަރަށް ނަރުދޫއަށް ލީޑު ނަގައިދީފައެވެ.

ކިންގް ގޯލު ޖެހުމަށްފަހު އުފާ ފާޅުކުރަނީ. ފޮޓޯ: އިމޭޖެސް.އެމް.ވީ

މިއާއެކު ބިލެތްފިހި އިން ވަނީ ފުލުފުލުގައި ނަރުދޫގެ ގޯލާއި އަމާޒުކޮށް ގިނަ ހަމަލާތަކެއް ފޮނުވާލާފައެވެ. އެގޮތުން ދެވަނަ ފަހަރަށް މެޗުގެ ނަތީޖާ ހަމަކޮށްދިނީ ބަދަލު ކުޅުންތެރިއެއްގެ ގޮތުގައި ނިކުތް އާދަމް ސަފްރާޒް (ކިންގް) ގެ ގޯލަކުންނެވެ. އަދި މެޗު ބިލެތްފަށްސަށް މެޗު މޮޅުކޮށްދިނީ މެޗުގެ ފަހު ސިކުންތުކޮޅުގައި އައިމަން (ޓަންނި) ޖެހިގޯލަކުންނެވެ. މެޗުގެ މޮޅުކުޅުންތެރިޔަކީ ވެސް ޓަންނިއެވެ.

މެޗުގެ މޮޅުކުޅުންތެރިޔާ ޓަންނި: ފޮޓޯ: އިމޭޖެސް.އެމް.ވީ

ރޭގެ މޮޅާއެކު ބިލެތްފަހި ވަނީ މިމުބާރާތުގެ މިހާތަނަށް ކުޅުނު 2 މެޗުންވެސް މޮޅުވެ ސެމީފައިނަލުގެ ޖާގައެއް ހޯދާފައެވެ.