ރައްޔިތުން މަޖިލީހުގެ އެމްޑީޕީއަށް ނިސްބަތްވާ ވައިކަރަދޫ ދާއިރާގެ މެންބަރު، ޙުސައިން ޒިޔާދަށް ނޭނގި ވެރިކަންކުރާ މައި ޕާޓީ، ޕީއެންސީ އަށް ރަޖިސްޓްރީކުރުމުގެ ފަހަތުގައި ތިބީ އިދިކޮޅު އެމްޑީޕީންނާއި ޕީއެންއެފުންކަމަށް ބާރަށު ދާއިރާގެ މެންބަރު، ޕީއެންސީގެ ނައިބު ރައީސް އިބްރާހީމް ޝުޖާޢު ވިދާޅުވެއްޖެއެވެ.

އެކްސްގައި ކުރެއްވި ޕޯސްޓެއްގައި ޝުޖާޢު ވިދާޅުވީ، އެ ދެ ޕާޓީ ގުޅިގެން އެކަން ކުރީ، ޤާނޫނުއަސާސީއަށް ގެނެވުނު އިޞްލާޙާ ގުޅިގެން ރައްޔިތުންގެ މެދުގައި ސުވާލު އުފައްދައި، ފިތުނަ އުފެއްދުމުގެ މަޤްޞަދުގައި ކަމަށެވެ.

Ad by Hajj Corporation

Member Ziyaadhah Neyngi Furi Form Baathil koffin, Fiyavalhu Alhaanan: EC

ޒިޔާދު ޕީއެންސީ އަށް ވެއްދުމުގެ އަޑީގައި ތިބީ އެމްޑީޕީގެ ލީޑަރޝިޕްގެ ބޭފުޅުން ކަމަށާއި، މިކަން ކުރުމަށް އެމްޑީޕީއަށް އެހީތެރިވެދިނީ ޕީއެންއެފް ކިޔާ، މެމްބަރުން ހަމަނުވާ ސިޔާސީ ޕާޓީއެއް ކަމަށްވެސް އޭނާ ވިދާޅުވިއެވެ.

މެންބަރު، ޙުސައިން ޒިޔާދަށް ނޭނގި ޕީއެންސީ އަށް ރަޖިސްޓްރީ ކުރަން ހުށަހެޅި ފޯމު ބާތިލުކޮށްފައިވާ ކަމުގައި އިލެކްޝަންސް ކޮމިޝަން (އީސީ) އިން މިއަދު ވަނީ ބުނެފައެވެ.