މެންޗެސްޓަރ ޔުނައިޓެޑްގެ އާޖެންޓީނާ ވިންގަރ އަލެހަންޑްރޯ ގަރްނާޗޯ ސޮއިކުރުމަށް އިޓަލީގެ ސެރީއާ ކްލަބް ނަޕޮލީން 45 މިލިއަން ޔޫރޯގެ އޮފަރެއް ހުށަހަޅައިފިއެވެ. ނަމަވެސް މި އަދަދަކީ ޔުނައިޓެޑް އިން ޑިމާންޑުކުރާ އަގަށްވުރެ މާ ދަށް އަދަދެއްކަން ސްޕޯޓް އިޓާލިއާއިން ރިޕޯޓުކޮށްފައިވެއެވެ.

ނާޕޮލީގެ ކޯޗު އެންޓޯނިއޯ ކޮންޓޭ ބޭނުންވަނީ ގަރްނާޗޯ ގެނެސް ޕެރިސް ސެއިންޓް-ޖަރމޭންއަށް ބަދަލުވާން އެދިފައިވާ ޚްވީޗާ ކްވަރަޓްސްޚޭލިއާގެ ބަދަލުގައި ކުޅުވާށެވެ. އެހެންނަމަވެސް ޔުނައިޓެޑްގެ އަގަކީ 60 މިލިއަން ޕައުންޑް (73 މިލިއަން ޑޮލަރު) ކަމަށްވާތީ ނާޕޮލީގެ އޮފަރ މާ ކުޑައެވެ.

20 އަހަރުގެ ގަރްނާޗޯއަކީ ޔުނައިޓެޑްގެ އެކަޑަމީގައި ތަމްރީނު ލިބިފައިވާ ކުޅުންތެރިއަކަށްވާތީ، އޭނާ ވިއްކާލައިފިނަމަ ޕްރޮފިޓް އެންޑް ސަސްޓެއިނަބިލިޓީ ރޫލްސްގެ ދަށުން ކްލަބަށް ސާފު ފައިދާއެއް ލިބޭނެއެވެ. އިޓަލީގެ ޔުވެންޓަސްވެސް ގަރްނާޗޯއަށް ޝައުޤުވެރިވާކަމަށް ބުނެވެއެވެ.

2020 ގައި އެޓްލެޓިކޯ މެޑްރިޑުން ޔުނައިޓެޑަށް ބަދަލުވި ގަރްނާޗޯ ވަނީ މި މޫސުމުގައި 30 މެޗު ކުޅެ 8 ލަނޑާއި 5 އެސިސްޓް ދީފައެވެ. އަދި އާޖެންޓީނާ ޤައުމީ ޓީމަށް 8 މެޗު ކުޅެފައިވެއެވެ.