އުރީދޫ މަސްރޭސް 2024 ގެ ޗެމްޕިއަންކަން ޓީމް ހުސްބުޅި ހޯދައިފިއެވެ.

 އުރީދޫ މޯލްޑިވްސްގެ 19 ވަނަ އަހަރީ ދުވަސް ފާހަގަކުރުމުގެ ގޮތުން މިއަހަރުގެ އުރީދޫ މަސްރޭސް ކުރިއަށް ގެންގޮސްފައިވަނީ ކ. ހިންމަފުއްޓާއި ޅ. ނައިފަރު އަދި ގދ.ތިނަދޫގައި އެވެ.

Ad by Hajj Corporation

ރާއްޖޭގެ އެކި ކަންކޮޅުތަކުގެ ޓީމުތަކުން ބައިވެރިވެފައިވާއިރު، އެކި ކެޓަގަރީތަކުގައި ވާދަކޮށް، ފާހަގަކޮށްލެވޭ އިންޑިވިޖުއަލް އަދި ޓީމް ޕާފޯމެންސްއެއް ދެއްކި ޓީމުތަކަށް އަގު ވަޒަންކޮށް ހާއްސަ އިނާމުތަކެއް އުރީދޫއިންވަނީ ހުށައަޅާފައެވެ.

މިމުބާރާތުގެ ނަތީޖާތަކަށް ބަލާއިރު، މުޅި މުބާރާތުން އެއްވަނަ ހާސިލްކުރި ޓީމަކީ ޓީމް ހުސްބުޅިއެވެ. އެޓީމުންވަނީ 921.4 ޕޮއިންޓު ހޯދާފައެވެ. މިމުބާރާތުގެ ދެވަނަ މަގާމުން ޖާގަހޯދާފައިވަނީ 698.45 ޕޮއިންޓާއެކު ޓީމް ޗިލްބްރޯޒްއެވެ. އަދި ތިންވަނަ އަށް ހޮވިފައިވަނީ 438.3 ޕޮއިންޓާއެކު ޓީމް ކޮރަކަލިއެވެ.

ބުރަދަނުގައި އެންމެ ބަރުދަންހުރި މަހެއް ބޭނީ ޓީމް އަލިފަސްގެ މުހައްމަދު ނަޝީދެވެ. އަދި މި މުބާރާތުގެ އެންމެ މޮޅު މަސްވެރިޔަކަށް ހޮވުނީ ޓީމް ޗިލްބްރޯޒްއަށް ނިސްބަތްވާ އަލީ އަބްދުاللهއެވެ. މި މަސްރޭހުގައި އޭނާ ވަނީ 24 މަސް ބާނާފައެވެ. މި މުބާރާތުގެ އެންމެ މޮޅު އަންހެން މަސްވެރިޔަކަށް ހޮވިފައިވަނީ ޓީމް ކޮރަކަލީގެ ޖަވާދާ އަހްމަދެވެ.