ހޯމް މިނިސްޓަރު އަލީ އިހްސާންގެ އިތުބާރުގެ މައްސަލަ ހުށަހަޅަންޖެހޭ ސަބަބެއްނެތްކަމަށް ހޯމް މިނިސްޓްރީގެ ސްޓޭޓް މިނިސްޓަރ އަޙްމަދު ޞިއްދީޤު ވިދާޅުވެއްޖެއެވެ.

''މެންދުރު'' ޓީވީއަށް ދެއްވި އިންޓަވިއުއެއްގައި ސިއްދީގް ވިދާޅުވީ، މަޖިލީހަށް މައްސަލަތައް ހުށަހެޅުމަކީ ރައްޔިތޔުންގެ މަޖިލީހުގެ މެމްބަރުންނަށް އޮންނަ ހައްގެއް ކަމަށެވެ. ނަމަވެސް އެކަން ކުރަންވާނީ ޒިންމާދާރުކަމާއެކުގައި ކަމަށް ވިދާޅުވިއެވެ.

Ad by Hajj Corporation

ސިއްދީގު ވިދާޅުވީ، ޒިންމާދާރުކަމާއެކު މެމްބަރުން މަސައްކަތްކުރާނަމަ ހޯމް މިނިސްޓަރުގެ އިތުބާރުގެ ވޯޓެއް މަޖިލީހަށް ހުށަހަޅަންޖެހޭ އެއްވެސް ސަބަބެއް އޮތްކަމަކަށް ނުދިވަޑައި ނުގަންނަވަ ކަމަށެވެ.

އެ މައްސަލަ ހުށަހަޅާފައި ވަނީ ބާރަ މެމްބަރުންގެ ސޮޔާއެކުކަން ފާހަގަކުރަށްވައި، އެއީ އެފަދަ މައްސަލައެއް ވައްދަން ހުށަހެޅޭ އެންމެ ދަށް އަދަދުކަން ވެސް ސިއްދީގު ފާހަގަކުރެއްވިއެވެ.

''މި މައްސަލަ ހުށަހެޅިއިރު އެއްވެސް ޖެނުއިން ރީޒަނެއް ދެއްކިފައެއް ނެތް، އެއްކަމަކީ ހޯމް މިނިސްޓަރުގެ އިތުބާރުނެތްކަމުގެ މައްސަލަ މަޖިލީހަށް ހުށަހަޅަމުން އެ ބޭފުޅުން ވިދާޅުވަނީ ފުލުހުންގެ ތަހްގީގަށް ހޯމް މިނިސްޓަރު ހުރަސްއަޅާ ވާހަކަ، އެއްވެސް ހެއްކެތް ނެތް، އަސާސެއް ނެތް، އަނެއް ކަމަކީ ޖިނާއީ ބައެއް މައްސަލަތަކަށް ހޯމް މިނިސްޓަރު ހުރަސްއަޅުއްވާ ވާހަކަ، ދަލީލެއްނެތް، މި ކުރަން އުޅޭކަންތައް އިނގޭ،'' ސިއްދީގް ވިދާޅުވިއެވެ.

ހޯމް މިނިސްޓަރު އިހްސާނަކީ މި ސަރުކާރުގައި އެންމެ ރަނގަޅު ނަތީޖާއެއް ނެރޭ އެއް މިނިސްޓަރުކަމަށް ވުމުން އިދިކޮޅު އެމްޑީޕީން އަންނަނީ އެ މަނިކުފާނުގެ އިސްތަށިފުޅުގައި ދޮގު ތުހުމަތު އަޅުވައި، އަގުވައްޓާލަން މަސައްކަތް ކުރަމުންނެވެ.