ފާއިތުވި 10 އަހަރު ދުވަހުގެ ތެރޭގައި ކައުންސިލިން ދޭނެ ބަޔަކު ބިނާކޮށްފައިނުވާ ކަމަށް ނެޝަނަލް ޑްރަގް އެޖެންސީ (އެންޑީއޭ)ގެ ޗެއަރޕާސަން ލުބްނާ ޒާހިރު ވިދާޅުވެއްޖެއެވެ.

މަސްތުވާތަކެތީގެ ވަބާގައި ޖެހިފައި ތިބޭ މީހުންނަށް ފަރުވާ ދޭ ކައުންސިލަރުން ލިބުމުގައި ހުރި ދަތިތަކާ ގުޅޭގޮތުން ވާހަކަ ދައްކަވަމުން އެންޑީއޭގެ ޗެއަރޕާސަން ލުބްނާ ވިދާޅުވީ ފާއިތުވި 10 އަހަރު ދުވަހުގެ ތެރޭގައި ކައުންސިލަރުން ބިނާކޮށްފައިނުވާ ކަމަށާއި ރާއްޖޭގައި ކައުންސިލިންގ ކިޔަވައިގެން ތިބޭ ގާތްގަނޑަކަށް 150 މީހުން ކަމަށެވެ.

މި އަހަރުގެ ތެރޭގަ އަޅުގަނޑުމެންނަށް ހިއުމަން ރިސޯސަސް މަދުވުމާ ގުޅިގެން އަޅުގަނޑުމެން އެންޑީއޭ ބޯޑުންވެސް ނިންމަވާފައިވަނީ 2025 ވަނަ އަހަރުގެ ތެރޭގަ ރާއްޖޭގަ، މުޅި ރާއްޖޭގަ އެޑިކްޝަން ޕްރޮފެޝަނަލުން ޑިވަލޮޕް ކުރުމަށާ، ޒުވާނުން މި ފުރުސަތު ދޭން. އެންޑީއޭއެއް އަށް ލިބިފަ ހުރިހާ އިންޓަނޭޝަނަލް ސެޓިފިކޭޝަން އޮޕޮޗުނިޓީސް ތަށްވެސް ދީގެން ގިނަ ހަމަ ޒުވާނުންނަށް ހަމަ މިއޮތީ ހިލޭ އިނގޭތޯ، ކިޔެވޭނެ ފުރުސަތެއް ގާއިމުކޮށްފަ.

އެޑިކްޝަން ދާއިރާއަށް ބޭނުންވާ ކައުންސިލިންގ އަދި ކައުންސިލިންގ ދާއިރާއަކީ ކުރިއަށް އޮތްތަނުގައި ވަރަށް ބޭނުން ހިފޭނެ ދާއިރާއެއް ކަމަށްވެސް ލުބްނާ ވިދާޅުވިއެވެ.

އަދި އިތުރު މައުލޫމާތު ބޭނުންވާ ފަރާތްތަކުން 1410 ނުވަތަ އެންޑީއޭގެ އިންފޮމޭޝަން މެއިލަށް މެއިލް ކުރެވުމަށް ލުބްނާ ވަނީ އެދިވަޑައިގެންފައެވެ.