ޔުއޭފާ ޗެންޕިއަންސް ލީގުގެ އެންމެ ފަހުގެ ޗެންޕިއަން ރެއަލް މެޑްރިޑް އާއި އޮސްޓްރިއާގެ ޗެންޕިއަން ސޯލްޒްބާގް އާއި ބައްދަލުކުރިމެޗުން މެޑްރިޑް މޮޅުވެ، ޗެންޕިއަންސް ލީގުގެ ގަދަ 16 ގެ ނޮކްއައުޓް ރައުންޑާއި ފިޔަވަޅަކާއ ގާތަށް ޖެހިލައިފިއެވެ. މިމެޗު މެޑްރިޑުން ކާމިޔާބުކުރީ 5-1 އިންނެވެ.

މެޗުގައި ރެއަލް މެޑްރިޑްގެ ފަރާތުން ފުރަތަމަ ހާފުގައި ރޮޑްރިގޯ ދެ ލަނޑު ޖަހައި، މެޗުގެ ކޮންޓްރޯލް ހޯދިއެވެ. ދެވަނަ ހާފުގައި 43 ވަނަ މިނެޓުގައި އެމްބާޕޭ އިތުރު ލަނޑެއް ޖެހިއިރު، ވިނިސިއަސް ޖޫނިއަރ ވަނީ ދެ ލަނޑު ޖަހާފައެވެ. މީގެ ތެރެއިން އޭނާގެ ފުރަތަމަ ލަނޑަކީ ރެއަލް މެޑްރިޑްގެ ޖާޒީގައި އޭނާ ޖެހި 100 ވަނަ ލަނޑެވެ.

މިސީޒަނުގެ ކުރީކޮޅު ލެންޕިއަންސް ލީގުގައި ވިދިވިދިގެން ދެ މެޗުން ބަލިވުމަށްފަހު، ނޮކްއައުޓް ބުރަށް ދަތުރުކުރުމުގެ ފުރުސަތު ގެއްލިދާނެ ކަމުގެ ބިރު އޮތް ނަމަވެސް، މި މެޗުން މޮޅުވުމާއެކު ރެއަލް މެޑްރިޑް ވަނީ އެ ނުރައްކާ ފިލާފައެވެ. އެހެންނަމަވެސް ޓޮޕް 8 ގެ ތެރެއަށް ވަނުމުގެ ފުރުސަތު ވަރަށް ކުޑަކަމަށް ބެލެވެއެވެ.

މި މެޗުގައި ސޯލްޒްބާގްގެ ފަރާތުން މަޑްސް ބިޑްސްޓްރަޕް ލަނޑެއް ޖެހި ނަމަވެސް، އެއީ ހަމައެކަނި ކޮންސޮލޭޝަން ލަނޑެކެވެ. މިއީ ސޯލްޒްބާގް، ޗެމްޕިއަންސް ލީގުގެ ޑިފެންޑިންގ ޗެމްޕިއަނާ ދެކޮޅަށް ކުޅުނު 7 ވަނަ މެޗެވެ. އަދި 7 ވަނަ ފަހަރަށްވެސް އެ ޓީމް ވަނީ ބަލިވެފައެވެ.

ރޭގެ މޮޗުނެ މޮޅުވުމާއެކު މެޑްރިޑް އޮތީ ތާވަލުގެ 16 ވަނައިގައެވެ. އަދި ސޯލްޒްބާގް އޮތީ މުބާރާތުން ކަޓާފައެވެ.