logo
ޚަބަރު

އަންހެން ނޫސްވެރިންނަށް ފުރައްސާރަކުރުން އިތުރުވެފައިވާތީ އެމްޖޭއޭގެ ކަންބޮޑުވުން

މޯލްޑިވްސް ޖާނަލިސްޓް އެސޯސިއޭޝަންގެ މެންބަރުންތަކެއް، އެ ޖަމުއިއްޔާއިން ބޭއްވި ޕްރެސް ކޮންފަރެންސެއްގެ ތެރެއިން--ފޮޓޯ: އެމްޖޭއޭ
މޯލްޑިވްސް ޖާނަލިސްޓް އެސޯސިއޭޝަންގެ މެންބަރުންތަކެއް، އެ ޖަމުއިއްޔާއިން ބޭއްވި ޕްރެސް ކޮންފަރެންސެއްގެ ތެރެއިން--ފޮޓޯ: އެމްޖޭއޭ

އަންހެން ނޫސްވެރިންނަށް ފުރައްސާރަކޮށް ދިމާކުރުން އިތުރުވެފައިވާތީ، އެކަމުގެ ކަންބޮޑުވުން ރާއްޖޭގެ ނޫސްވެރިންގެ ހައްގުގައި މަސައްކަތްކުރާ ޖަމުއިއްޔާ ކަމުގައިވާ މޯލްޑިވްސް ޖާނަލިސްޓް އެސޯސިއޭށަން (އެމްޖޭއޭ) އިން ފާޅުކޮށްފިއެވެ.

އެމްޖޭއިން ނެރުނު ބަޔާނެއްގައި ބުނީ ، އަންހެންވެރިން ކުރާ ނޫސްވެރިކަމުގެ މަސައްކަތާ ވިދިގެން ފުރައްސާރަކޮށް، ދިމާކުރުމުގެ އަމަލުތައް ހިންގުން މިދިޔަ ދެތިން މަހެއްހާ ދުވަސްތެރޭ ކަންބޮޑުވާ މިންވަރަކަށް ގިނަވެފައިވާ ކަމަށެވެ. އެގޮތުން މީސްމީޑިއާގެ ވަސީލަތްތަކުގެ ޒަރިއްޔާއިން، އަންހެން ނޫސްވެރިންނަށް ފުރައްސާރަކޮށް، ދިމާކޮށް ބިރުދައްކާފައިވާ ހަތަރު މައްސަލައެއް އެ ޖަމިއްޔާގެ ސަމާލުކަމަށް އައިސްފައިވާކަމަށް ބުނެއެވެ.

Ad by Hajj Corporation

Ad by Hajj Corporation

އެހެންކަމުން އެފަދަ އަމަލުތައް އިތުރުވުމަކީ އެ ޖަމުއިއްޔާއިން ނުހަނު ކަންބޮޑުވާ ކަމެއް ކަމުގައި ބުނެ، އެކަން އެމްޖޭއޭ އިން ވަނީ ކުށްވެރިކޮށްފައެވެ.

އެމްޖޭއޭއިން އިތުރަށް ބުނީ، ނޫސްވެރިން ކުރާ ނޫސްވެރިކަމުގެ މަސައްކަތާ ގުޅިގެން އެ މީހުންނާ ޒާތީ ގޮތުން ޖައްސާލައި ދިމާކޮށް ބިރުދެއްކުމަކީ އެ ޖަމިއްޔާއިން އެއްވެސް ވަރަކަށް ގަބޫލުކުރާނެ ކަމެއް ނޫން ކަމަށާއި، އެފަދަ އަމަލުތަކަކީ ނޫސްވެރިން ރޫހާނީ ގޮތުން ބަލިކަށިކޮށްލައި، ފަހަތަށް ޖައްސުވަން ބައެއް ފަރާތްތަކުން ގެންގުޅޭ އުކުޅެއް ކަމަށް ވެސް އެ ޖަމުއިއްޔާއިން ވަނީ ސިފަކޮށްފައެވެ.

 

އަދި އެފަދަ އަމަލުތައް އިތުރުވުމަކީ ނޫސްވެރިކަމުގެ ދާއިރާއަށް އަންހެން ނޫސްވެރިން ނިކުތުމަށް ފަސްޖެހޭނެ ކަމެއް ކަމަށާއި، މިހާރު ތިބި އަންހެން ނޫސްވެރިންނަށްވެސް މި ދާއިރާއިން ކުރިއަށް ދިއުމަށް އެލޭ ވަރަށް ބޮޑު ހުރަހެއް ކަމަށް ވެސް އެމްޖޭއިން ބުނެއެވެ.

އެހެންކަމުން، އެ ޖަމިއްޔާއިން ވަނީ އެފަދަ ކަމެއް އެއްވެސް ފަރާތަކުން ނުކުރުމަށް އިލްތިމާސްކޮށްފައެވެ. އަދި މިފަދަ މައްސަލަތައް ސީރިއަސް ކަމެއް ގޮތުގައި ބަލައި، އެކަންކަން ހުއްޓުވަން އެކަށީގެންވާ ފިޔަވަޅު އެޅުމަށް ފުލުހުންނަށް ވެސް ގޮވާލާފައެވެ.

 

 

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

''މިއީ ނުފޫޒުން ސަލާމަތްކޮށްދޭނެ 100 ޕަސެންޓް މީޑިއާ ޕްރޯ ސަރުކާރެއް''ރިޕޯޓް | 18 ގަޑިއިރު ކުރިންކިޔާށެވެ. ލިޔާށެވެ. އަނެކާގެ އަބުރެއް އޮތްކަން ވެސް ދަންނާށެވެ!ރިޕޯޓް | ދުވަހެއް ކުރިން މިސަރުކާރަކީ 100 އިންސައްތަ މީޑިއާ ޕްރޯ ސަރުކާރެއް: ރައީސްޚަބަރު | 2 ދުވަސް ކުރިންއެއްވެސް ނޫސްވެރިއަކު ހައްޔަރެއް ނުކުރޭ، ދުރަށް ޖެއްސީ ނަސޭހަތް ދިނުމަށްފަހު: ވަޒީރު އިޙްސާންޚަބަރު | 2 ދުވަސް ކުރިން