ލާމު ގަމުގެ ފެނުގެ މަޝްރޫއު ނިމި ޚީިދުމަތް ދޭން ފަށައިފި ކަމަށް މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗަރ އިން ބުނެފިއެވެ.

މި މަޝްރޫއުގެ ދަށުން މުޅިި ޖުމުލަ 250 ޓަނުގެ 2 އާރޯ ޕްލާންޓް ހިމެނޭއިރު އޭގެ ތެރޭގައި ހިމެނެނީ، 60 ޓަނުގެ ވަރޭ ފެން ޕްލާންޓް، 1080 ޓަނުގެ ބޯފެން ރައްކާކުރާ 2 ޓޭންކްގެ އިތުރުން 720 ޓަނުގެ ބޯފެން ރައްކާކުރާ ދެ ޓޭންކާއި އަދި 900 ޓަނުގެ ވާރޭ ފެން ރައްކާކުރާ އެއް ޓޭންކް ހިމެނެއެވެ.

Ad by Hajj Corporation

މި މަޝްރޫއުގެ މަސައްކަތް މިހާރު ނިމިފައިވާއިރު، މިވަގުތު ޚިދުމަތް ފޯރުކޮށްދެނީ ސަޕްލަޔާ ޑިފެކްޓްސް ލައެބިލިޓީގެ ދަށުންނެވެ.

ލާމު ގަމުގެ ފެނުގެ މަޝްރޫއު ހިންގާފައިވަނީ އިންޑިއާގެ އެކްސިމް ބޭންކްއިން ދޫކުރި ކްރެޑިޓް ފެސިލިޓީގެ ދަށުންނެވެ. މި މަސައްކަތް ނިންމާ އިންޑިއާއިން ދިވެހި ސަރުކާރާ ހަވާލުކޮށްފައިވަނީ މިދިޔަ އޮގަސްޓް މަހުގެ ތެރޭގައެވެ.