ގޯލްޑަން ފުޓްސަލް މުބާރާތުގެ ޒޯން 7 ގްރޫޕް 1 ގެ ވާދަވެރިކަން ބޮޑުވެއްޖެއެވެ. 4 ޓީމެއް ވާދަކުރާ މިގްރޫޕްގައި ކޮންމެ ޓީމަކަށްވެސް ބާކީ އެއްމެޗު އޮތްއިރު، 3 ޓީމަކަށްވެސް ސެމީއިން ޖާގަހޯދުމަށް ފުރުސަތު ހުޅުވުފައިވެއެވެ.

މިގްރޫޕްގައި ވާދަކުރާ ޓީމުތަކަކީ ގއ. ގެ ޗެންޕިއަން ގައްދޫ އާއި ގ.އ ގެ ރަނަރަފް ވިލިނގިއްޔާއި ގދ. ގެ ޗެންޕިއަން ވާދޫ އާއި ފުވައްމުލައް (ދަނޑިމަގު) އެވެ. ގްރޫޕް ސްޓޭޖުގައި މިހާތަނަށް ކުޅުނު 2 މެޗުންވެސް ބަލިވެ، ވިލިނގިލި ވަނީ މުބާރާތާއި އަލްވަދާޢު ކިޔާފައެވެ. އެގޮތުން ރޭގައި ވިލިނގިލި ވާދޫއާއި ވާދަކޮށް 3-0 އިން ވަނީ ބަލިވެފައެވެ. މިމެޗުގެ ގޯލުތައް ޖަހާދީފައިވަނީ އަޔާޒް މުޙައްމަދު (އަޔާ) ގެ އިތުރުން ނަޝާހް އަހުމަދާއި މުހައްމަދު ނާއިލް އެވެ.

Ad by Hajj Corporation

މި ގްރޫޕްގައި ރޭގައި ދަނޑިމަގު ވަނީ ދެއްވަދޫއަތުން 2-1 އިން މޮޅުވެ، މުހިންމު 3 ޕޮއިންޓު ހޯދާފައެވެ. މިމެޗުގެ ދަނޑިމަގުގެ ގޯލުތައް މޫސާ އަޒީމް އާއި މުހައްމަދު ސާދު ކާމިޔާބުކޮށްދިންއިރު، ދެއްވަދޫގެ ގޯލުޖަހާފައިވަނީ މުހައްމަދު އިމްރާނުއެވެ.

މިގްރޫޕްގައި މިހާތަނަށް 1 ވަނަ އަދި 2 ވަނައިގައި އޮތީ ވާދޫއާއި ދަނޑިމަގެވެ. މިދެޓީމަށްވެސް 4 ޕޮއިންޓު ލިބިފައިވާއިރު، ގޯލުތަފާތުން ކުރި ލިބެނީ ވާދޫއަށެވެ. މިގްރޫޕްގައި މީގެކުރިން ދަނޑިމަގާއި ވާދޫ ބައްދަލުކުރި މެޗުވަނީ އެއްވަރުވެފައެވެ. ގްރޫޕްގެ 3 ވަނައިގައި 3 ޕޮއިންޓާއެކު ދެއްވަދޫ އޮތްއިރު، ސެމީގެ ފަހުޖާގަ ހޯދުމަށް އެޓީމު ގްރޫޕްގެ އެންމެ ފަހުމެޗުގައި ނިކުންނާނީ ގްރޫޕްގެ 1 ވަނައިގައިވާ ވާދޫއާއި ދެކޮޅަށެވެ. މިގްރޫޕްގެ ފަހުމެޗުގައި ދަނޑިމަގު ނިކުންނާނީ ތާވަލުގެ ފުލުގައިވާ ވިލިނގިއްޔާއި ދެކޮޅަށެވެ.

މުބާރާތުގައި މިއަދު ކުޅެން ހަމަޖެހިފައިވާ މެޗުތައް: (4 ފެބުރުވަރީ 2025)

20:00:  ހއ. ދިއްދޫ – ހދ. ނޭކުރެންދޫ (ޒޯން 1)

20:00:  ހއ. ވަށަފަރު – ހދ. ނައިވާދޫ (ޒޯން 1)

------------------------------------------

21:00 ޅ. ކުރެންދޫ – ބ. އޭދަފުށި (ޒޯން 3)

21:00 ކ. މާފުށި – ކ. ކާށިދޫ (ޒޯން 3)

------------------------------------------

22:00 ހުލުމާލެ – ވިލިމާލެ (ޒޯން 8)

22:00 މައްޗަންގޮޅި – މާފަންނު (ޒޯން 8)