ސްޕެނިޝް ކޮޕަޑެލްރޭގެ ކުއާޓަރ ފައިނަލުގައި ލެގަނޭޝް އަތުން ހަނިގޮތަކަށް މޮޅުވެ، މުބާރާތުގެ ސެމީގެ ޖާގައެއް ރެއާލް މެޑްރިޑުން ހޯދައިފިއެވެ.

ލެގަނޭސް ގެ އަމިއްލަ ދަނޑުގައި ކުޅެވުނު މިމެޗު ފެށީ ރެއާލް މެޑްރިޑްގެ ފުރަތަމަ 11 ގެ 8 ކުޅުންތެރިން ނުހިމަނައެވެ. ރޭގެ މެޗު ނިމުނީ 3-2 އިންނެވެ. މިމެޗުގެ ފުރަތަމަ ހާފުގައި ރެއާލް ގެ ލޫކާ މޯޑްރިޗާއި އެންޑްރީކް ވަނީ 2 ގޯލުޖަހައި ޓީމަށް ލީޑު ނަގައިދީފައެވެ. ނަމަވެސް ލެގަނޭސް ވަނީ ފަހަތުން އަރައި 2 ގޯލުޖަހައި މެޗު އެއްވަރުކޮށްފައެވެ. މެޗުން ރެއާލް މޮޅުވި ގޯލުޖެހީ  ބަދަލުކުޅުންތެރިއެގެ ގޮތުގައި ކުޅެން ނިކުން އުމުރުން 20 އަހަރުގެ ގޮންޒާލޭޒް ގާރސިއާއެވެ. އޭނާ މިގޯލު ޖަހާފައިވަނީ މެޗުގެ އެންމެ ފަހު މިނެޓުގައެވެ.

Ad by Hajj Corporation

ރޭގެ މޮޅާއެކު ރެއާލް އަށް ސެމީގެ ޖާގައެއް ލިބިފައިވާއިރު، އެތްލެޓިކޯވެސް ވަނީ ކޮޕަޑެލްރޭގެ ސެމީގެ ޖާގައެއް ހޯދާފައެވެ. ސެމީގެ ބާކީ ދެ ޖާގަ ހޯދުމަށް ބާސެލޯނާ މިރޭގައި ވެލެންސިއާއާއި ދެކޮޅަށް ނިކުންނައިރު، އޮސަސޫނާ ނިކުންނާނީ ރެއާލް ސޮސައިޑޭޑް އާއި ދެކޮޅަށެވެ.

މިމުބާރާތުގެ މިދިޔަ އަހަރުގެ ޗެންޕިއަނުންނަނީ އެތްލެޓިކް ބިލްބާއޯއެވެ.