ސްޕެނިޝް ކޮޕަޑެލްރޭގެ ފައިނަލަށް ބާސެލޯނާ ދަތުރުކޮށްފިއެވެ. ރޭގައި ކުޅުނު ކުއާޓަރ ފައިނަލުގައި ބާސެލޯނާއިން ވަނީ ވެލެންސިއާ ގެ މައްޗަށް 5-0 އިން ކުރިހޯދާފައެވެ.

ވެލެންސިޔާގެ މަސްޓާޔާގައި ކުޅެވުނު މިމެޗުގެ ތިންވަނަ މިނެޓުގައި ފެރާން ޓޮރޭސް (ޝާކު) ވަނީ ގޯލު ފީސްޓް ހުޅުވާލާފައެވެ. އަދި އޭގެ 15 މިނެޓުފަހުން ޝާކު ދެވަނަ ގޯލުޖެހިއިރު، 30 ވަނަ މިނެޓުގައި އިތުރު ގޯލެއް ޖަހައި ޝާކު ވަނީ އޭނާގެ ކުރީގެ ޓީމާއި ދެކޮޅަށް ހެޓްރިކް ހަދާފައެވެ. ފެރާން އޭނާގެ ފުޓްބޯޅަ ކެރިއަރު ފަށާފައިވަނީ ވެލެންސިއާއިންނެވެ.

މިމެޗުގައި ފަރމިން ލޮޕޭޒް އާއި ޔަމާލް ގޯލުޖެހިއިރު، ރަފީނިޔާ ވަނީ ދެ އެސިސްޓު ހަދާފައެވެ.

މިމުބާރާތުގެ ސެމީގެ ފަހުމެޗުގައި ރޭގައި ރެއާލް ސޮސައިޑޭޑް ވަނީ އޮސަސޫނާގެ މައްޗަށް 2-0 އިން ކުރިހޯދައި ސެމީ ޖާގައެއް ހޯދާފައެވެ. ސެމީގެ ޖާގަ ކަށަވަރުކޮށްފައިޥާ އަނެއް ޓީމުތަކަކީ އެތްލެޓިކޯ އާއި ރެއާލް މެޑްރިޑެވެ.

މުބާރާތުގެ ދެލެގުގެ މައްޗަށް އެކުލެވޭ ސެމީފައިނަލުގެ ގުރުއަތުލުން އޮންނާނީ މިމަހުގެ 12 ވަނަ ދުވަހުގައެވެ.

މިމުބާރާތުގެ މިދިޔަ އަހަރުގެ ޗެންޕިއަނުންނަކީ އެތްލެޓިކް ކުލަބެވެ.