އިޒްރޭލުގެ ތިން މީހުން ދޫކޮށްލުމުގެ ބަދަލުގައި ފަލަސްތީނުގެ 369 މީހުން މިއަދު ބަދަލުކުރުމަށް ތައްޔާރުވަމުން އަންނަ ކަމުގައި ކަމާސް އިން ބުނެފިއެވެ.

ހަމާސް ޖަމާއަތާއި ފަލަސްތީނު އިސްލާމިކް ޖިހާދު (ޕީއައިޖޭ) ގުޅިގެން ތިން މީހުން ދޫކޮށްލުމަށް ހަމަޖެހިފައިވަނީ މިއަދުގެ މެންދުރު ފަހުގެ ވަގުތެއްގައެވެ. އެ މީހުންގެ ބަދަލުގައި ހަމާސް އިން ދޫކުރަން ހަމަޖެހިފައިވަނީ އިޒްރޭލަށް ނިސްބަތްވާ އެލެގްޒެންޑާ ޓްރޫފާނޯވް، ސަގުއީ ޑެކެލް ޗޭން އަދި ޔައިރް ހޯން ނަމަކަށް ކިޔާ ތިން އަސީރުންނެވެ.

Ad by Hajj Corporation

ހަމާސްއިން ބުނީ ޣައްޒާގެ ހަނގުރާމަ ހުއްޓާލުމުގެ އެއްބަސްވުމުގެ ދެވަނަ ފިޔަވަހީގެ މައްސަލައިގައި އިޒްރޭލާއެކު ނުސީދާ މަޝްވަރާތައް އަންނަ ހަފުތާގައި ފެށޭނެ ކަމަށް އުއްމީދުކުރާ ކަމަށެވެ.

މިހާރު އެއްބަސްވެފައިވާ ހަމަލާތައް ހުއްޓާލުމުގެ އެއްބަސްވުމުގެ މުއްދަތުގެ ތެރެއިން ވެސް އިޒްރޭލުން ގެންދަނީ ހިފާފައިވާ ހުޅަނގު އައްސޭރީގެ އެކި ސަރަހައްދުތަކުގައި ދިރިއުޅޭ ޢާންމުންނަށް އަމާޒުކޮަށް ޙަމަލާތައް ދެމުންނެވެ. އިސްރާއީލުގެ ހަމަލާތައް ކުރިއަށް ދާއިރު، ނަބްލޫސްގެ އިރުމަތީގައި އޮންނަ އަސްކަރް ރެފިއުޖީ ކޭމްޕަށް އިސްރާއީލު ސިފައިން ދިން ހަމަލާއެއްގައި ފަލަސްތީނުގެ 19 އަހަރުގެ ފިރިހެނަކު ވަނީ މަރާލާފައެވެ.

ފަލަސްތީނުގެ ކަމާބެހޭ ފަރާތްތަކުން ވެސް ވަނީ ބުދަ ދުވަހު ތުލްކަރޭމްގެ އިރުމަތީގައި އޮންނަ ނޫރު ޝާމްސް ރެފިއުޖީ ކޭމްޕަށް އިސްރާއީލު ސިފައިން ދިން ހަމަލާއެއްގައި ތިން މީހަކު މަރުވިކަން ކަށަވަރުކޮށްދީފަ އެވެ.