ރީފޯމް ކޮމިޝަނަރާއި ޕެންޝަން އޮފީހުގެ ވެރިން ރައްޔިތުންގެ މަޖިލީހުގެ މާލިއްޔަތު ކޮމިޓީއަށް ހާޒިރު ކުރުމަށް އެ ކޮމިޓީން ނިންމައިފިއެވެ.

މިއަދު ބޭއްވި ކޮމިޓީގެ ބައްދަލުވުމުގައި ރީފޯމް ކޮމިޝަނަރާއި ޕެންޝަން އޮފީހުގެ ވެރިން ކޮމިޓީއަށް ހާޒިރު ކުރުމަށް ހުށަހެޅުއްވީ ކެލާ ދާއިރާގެ މެންބަރު އަބްދުالله ޝަރީފްއެވެ. މި ހުށަހެޅުއްވުމަށް ތާއީދު ކުރެއްވީ ހިތަދޫ މެދު ދާއިރާގެ މެންބަރު އަހުމަދު އަޒާންއެވެ.

Ad by Hajj Corporation

މި ފިޔަވަޅުތަކުގެ ދަށުން ޝަރުއީ ދާއިރާގެ އިސްވެރިންނާއި ރައްޔިތުންގެ މަޖިލީހުގެ މެންބަރުންގެ އަސާސީ މުސާރައިން %10 އުނިކުރުމަށް މަޖިލީހުން ފެންނަނަމަ އެކަންވެސް ހުށަހަޅައިދެއްވައި އެކަމާމެދު ގޮތެއް ނިންމުމަށް ރައީސް ޑރ. މުހައްމަދު މުއިއްޒު ވަނީ އެދިވަޑައިގެންފައެވެ.

އަދި މިނިވަން މުއައްސަސާތަކުގެ އިސްވެރިންގެ 12،000 ރުފިޔާއަށް ވުރެ މަތިން ލިބޭ މަގާމްތަކުގެ އަސާސީ މުސާރައިން %10 އުނިކުރުމާ މެދު މަޖިލީހަށް ހުށަހަޅައިދެއްވައި ގޮތެއް ނިންމުމަށް ރައީސް ވަނީ އެދިވަޑައިގެންފައެވެ.

އިގްތިސާދީ އިސްލާހީ އެޖެންޑާގެ ދަށުން ދައުލަތުގެ ޚަރަދުތައް ކުޑަކުރުމުގެ މަގްސަދުގައި ކުރިއަށް އޮތް ދެ އަހަރު ދުވަހުގެ މުއްދަތަށް ސަރުކާރުން އެޅުމަށް ނިންމާފައިވާ ފިޔަވަޅުތަކަށް ރައްޔިތުންގެ މަޖިލީހުގެ ރުހުން ހޯދަން ވަނީ ފޮނުވާފައެވެ.