މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)އިން ލ. އިސްދޫގައި އަސްކަރީ ތަމްރީނުތަކެއް ކުރިއަށް ގެންދަން ނިންމައިފިއެވެ.

ސިފައިންގެ ތަމްރީނު ޕްރޮގްރާމެއް އިސްދޫގައި ކުރިއަށް ގެންދަން ނިންމާފައިވާއިރު މި މަހުގެ 17 ވަނަ ދުވަހު އެ އިދާރާއިން ވަނީ ޅ. މާފިލާފުށީގައި އަސްކަރީ ތަމްރީނުތަކެއް ފަށާފައެވެ. ފަސް ދުވަހުގެ މި ތަމުރީނުތައް މި މަހުގެ 21 ވަނަ ދުވަހުގެ ނިޔަލަށް ކުރިއަށް ގެންދާނެއެވެ.

އެމްއެންޑީއެފުން ބުނިގޮތުގައި މި ތަމްރީނުތަކުގައި ބޭނުންކުރާ ފްލެއަރސް ދަތުރުކުރާނީ ޅ. މާފިލާފުށިގެ ވަށައިގެން 200 މީޓަރ ދުރުމިނަށެވެ. އަދި ފުލެއަރސް ދަތުރުކުރާނެ އުސްމިނަކީ 200 މީޓަރެވެ.

މި ތަމްރީނުތައް ކުރިއަށް ގެންދިއުމަށް ހަމަޖެހިފައިވަނީ މާދަމާ ހެނދުނު 6:00 އިން ހަވީރު 6:00 އަށެވެ. އެމްއެންޑީއެފްއިން ބުނީ މި ތަމްރީނުތަކުގައި ސިފައިން ހަތިޔާރާއެކު ހަރަކާތްތެރިވާނެ ކަމަށެވެ. ނަމަވެސް، ލައިވް ވަޒަނާއި ގޮވާ ޒާތުގެ ނުރައްކާތެރި އެއްވެސް ބާވަތެއް މި ތަމްރީނުތަކުގައި ބޭނުން ނުކުރާނެ ކަމަށް އެ އިދާރާއިން ވަނީ ބުނެފައެވެ.