ކޮޕަޑެލްރޭގެ ސެމީގެ ފުރަތަމަ ލެގުގައި ރެއާލް ސޮސައިޑޭޑް ބަލިކޮށް ރެއާލް މެޑްރިޑް ފައިނަލާއި ގާތަށް ޖެހިލައިފިއެވެ. ރެއާލް ސޮސައިޑޭޑް ގެ އަމިއްލަ ދަނޑުގައި ކުޅެވުނު މިމެޗު މެޑްރިޑުން ކާމިޔާބުކުރީ 0-1 އިންނެވެ.

ރޭގެ މެޗުގައި އަނިޔާގެ ސަބަބުން ރެއާލް ގެ އެމްބާއްޕޭ ޓީމުލިސްޓުގައި ހިމެނިފައިނުވާއިރު، އަނިޔާގެ ސަބަބުން ޓީމުގެ އެންމެ މުހިންމު ކުޅުންތެރިޔާ ވަލްވަރޑޭ ވެސް ޓީމުގައި ހިމެނިފައި ނުވެއެވެ. އެހެންކަމުން ރޭގެ މަޗަށް ރެއާލް އިން ނިކުތީ އެންޑްރިކް އާއި އާދަރ ގުލާ ފުރަތަމަ 11 ގައި ހިމަނައިގެންނެވެ.
މެޗުގެ ހަމައެކަނި ގޯލަކީ ރެއާލްގެ ހާފުގެ ތެރެއިން ބެލިންގްހަމް ދިން ދުރު ބޯޅައަކުން ލިބުނު ފުރުސަތެއްގައި އެންޑްރިކް ޖެހި ގޯލެކެވެ. މީގެ އިތުރުންވެސް މިމެޗުގައި ދެޓީމަށްވެސް ގޯލުޖަހާނެ ފުރުސަތުތަކެއް ލިބި، ބޭނުންކުރެވޭގޮތް ވަނީ ނުވެފައެވެ.
ސެމީގެ ދެވަނަ ލެގު ކުޅޭނީ މާރިޗު މަހުގެ 9 ވަނަ ދުވަހުގައި ރެއާލް ގެ ދަނޑުގައެވެ. މީގެ އިތުރުން ކޮޕަޑެލްރޭ ސެމީގެ ފުރަތަމަ ލެގުގައި ބާސާ ވަނީ އެޓީމުގެ އަމިއްލަ ދަނޑުގައި 4-4 އިން އެއްވަރުވެފައެވެ.

Ad by Hajj Corporation