ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ، މަޖިލީހުގެ މެމްބަރުންނަށް ރޯދަ މަހުގެ ފައިދާ އެންމެ ހެޔޮގޮތުގައި ހޯދުމަށް މަސައްކަތް ކުރުމަށް ނަސޭހަތްތެރިވެވަޑައިގެންފިއެވެ.

މިއަދު ބޭއްވި މަޖިލީހުގެ ޖަލްސާ ނިންމަވާލެއްވުމުގެ ކުރިން ވާހަކަފުޅު ދައްކަވަމުން، މަޖިލީހުގެ ރައީސް ވިދާޅުވީ ރޯދަ މަހުގެ ފައިދާ އޭގެ އެންމެ ފުރިހަމަ ގޮތުގައި ހޯއްދެވުމަށް ހުރިހާ މެމްބަރުން މަސައްކަތް ކުރެއްވުމަށް ހަނދުމަފުޅުކޮށް އަރުވާ ކަމަށެވެ.

Ad by Hajj Corporation

"މާތް ﷲ އަޅުގަނޑުމެންނަށް މި ދެއްވި މަތިވެރި ނިއުމަތް، އެއީ ރަމަޟާން މަހާ ބައްދަލުވުމުގެ ހެޔޮ ނިއުމަތް މިންވަރު ކުރެއްވީމަ އެކަމަށް ޝުކުރުވެރިވުމަކީ އެ މަހުގެ ބޭނުން އެންމެ ފުރިހަމަ ގޮތުގައި ހިފުން ކަމަށް ދަންނަވަން. އެކަމަށް އަދިވެސް އެއްފަހަރު ނަސޭހަތްތެރިވަން،" މަޖިލިސް ރައީސް ވިދާޅުވިއެވެ.

އަބްދުއްރަހީމް އިތުރަށް ފާހަގަކުރެއްވި ގޮތުގައި، ރޯދަ މަހަކީ އެހެން ހުރިހާ މަހަކަށްވުރެ އަޅުކަމަށް ޚާއްޞަވެގެންވާ މަހެކެވެ. އެހެންކަމުން، މި މަހުގެ ބޭނުން އެންމެ ހެޔޮގޮތުގައި ހިފުމަށް އެދިވަޑައިގަތެވެ. އަދި މުއުމިނުންނަށް ހަނދާންކޮށްދިނުމަކީ ފައިދާކުރަނިވި ކަމެއްކަންވެސް ފާހަގަކުރެއްވިއެވެ.