ރަމަޟާން މަހާއި ޝައްވާލް މަހުގެ ކުރީކޮޅު މާލޭގައި މުދާ އުފުލުމުގެ ގަޑިތަކަށް ބަދަލުތަކެއް ގެނެސްފިއެވެ.

ޓްރާންސްޕޯޓް މިނިސްޓްރީން ބުނީ ރަމަޟާން މަހުގެ 1 ވަނަ ދުވަހުން ފެށިގެން 19 ވަނަ ދުވަހުގެ ނިޔަލަށް، އަދި ޝައްވާލް މަހުގެ 1 އިން 7 ވަނަ ދުވަހުގެ ނިޔަލަށް މުދާ އުފުލުމަށް ބޭނުންކުރާ އުޅަނދުތަކާއި ބަރު އުޅަނދުތައް ދުއްވޭނީ ހެނދުނު 9:30 އިން 16:30 އަށް އަދި ރޭގަނޑު 20:00 އިން ފަތިހު 8:00 އަށްކަމަށެވެ.

Ad by Hajj Corporation

ރަމަޟާން މަހުގެ 20 ވަނަ ދުވަހުން ފެށިގެން ރަމަޟާން މަހުގެ ނިޔަލަށް މުދާ އުފުލުމުގެ ގަޑިތައް ވަނީ ތަފާތުކޮށްފައެވެ. މި މުއްދަތުގައި މުދާ އުފުލޭނީ ހެނދުނު 6:00 އިން 16:30 އަށް އަދި ރޭގަނޑު 20:00 އިން ފަތިހު 6:00 އަށެވެ.

މި ގަވާއިދާ ޚިލާފުވާ ފަރާތްތައް އެއްގަމު ދަތުރުފަތުރުގެ ޤާނޫނުގެ ދަށުން 750 ރުފިޔާއިން ޖޫރިމަނާ ކުރެވޭނެއެވެ. މި ބަދަލުތައް ގެނެވިފައިވަނީ ރޯދަމަހު މާލޭގެ މަގުތަކުގައި ޓްރެފިކް ތޮއްޖެހުން ކުޑަކުރުމަށާއި، ރަމަޟާން މަހުގެ އަޅުކަންތަކަށް ފަސޭހަވާނެ ގޮތަށް ރިއާޔަތްކޮށްކަމަށް މިނިސްޓްރީން މައުލޫމާތުދެއެވެ.