އުމުރުން 60 އަހަރުން މަތީގެ މީހުންނަށް ރަށު ޕިކަޕާއި ސައިކަލް ދުއްވުމަށް ހާއްސަ ލައިސެންސެއް ނެގޭ ގޮތަށް ހަދައިފި އެވެ.

އެއްގަމުގައި ދުއްވާ އުޅަނދުތައް ރަޖިސްޓްރީކުރުމާއި ލައިސްންސް ދޫކުރުމުގެ ގަވާއިދަށް ގެނައި އިސްލާހުގައިވަނީ 60 އަހަރުން މަތީގެ މީހުން ވަކި ހާއްސަ ލައިސަންސެއް ނެގޭނެއެވެ. އަދި އެ ލައިސެންސް ދޭނީ ހަތަރު ގަޑިއިރުގެ ޕްރޮގްރާމެއް ފުރިހަމަ ކުރުމުން ކަމަށާއި އެ ޕްރޮގްރާމްގައި ޓްރެފިކްގެ ގަވާއިދުތައް ކިޔައިދޭނެ ކަމަށް އިސްލާހުގައިވެ އެވެ.

Ad by Hajj Corporation

އަދި އުމުރުން ދުވަސްވީ މީހުންގެ ލައިސެންސްގައި ދުއްވޭނީ 60 ސީސީ އިން ދަށުގެ މޮޓޯ ސައިކަލާއި އޮޓޯ ސައިކަލާއި ރަށު ޕިކަޕް އަދި އުޅަނދުތައްކަމަށާއި އަދި އެފަދަ ލައިސަންސްގެ ދަށުން 60 އަހަރުން މަތީގެ މީހުންނަށް ދުއްވޭނީ ހަމައެކަނި އެ ލައިސެންސެއް ދޫކުރާ ރަށެއްގައި ކަމަށާއި އަދި ވެހިކަލް ދުއްވޭނީ ވެސް ހަމައެކަނި 30 ކިލޯމީޓަރަށް ވުރެ މަޑުން ދުއްވަންޖެހޭ މަގުތަކުގައި ކަމަށް އެ އިސްލާހުގައިވެ އެވެ.

އެ އިސްލާހުގައި ބުނީ އެ ލައިސެންސް ދޫކުރާނީ 10 އަހަރު ދުވަހުގެ މުއްދަތަށްކަމަށެވެ. އަދި އަލުން ލައިސެންސް ދޫކުރާނީ ތަމްރީނު ފުރިހަމަކުރުމުންކަމަށާއި އަދި އެއް ފަހަރަށް ވުރެ ގިނައިން ގަވާއިދާ ހިލާފުވެއްޖެނަމަ އެ ލައިސެންސް ބާތިލްކުރުމުގެ އިހުތިޔާރު އޮންނާނެ ކަމަށް ވެސް އިސްލާހުގައިވެ އެވެ.