ރަޖިސްޓްރާރ އޮފް ކޮމްޕެނީސްގެ މަޤާމަށް ޝަމްއާ އައްޔަންކޮށްފި
މުހައްމަދު މޫސާ10 މާރިޗު 2025 - 12:45
ރަޖިސްޓްރާރ އޮފް ކޮމްޕެނީސްގެ މަޤާމަށް އަލްއުސްތާޛާ މަރްޔަމް ޝަމްޢާ އިސްމާޢީލް ވަނީ އައްޔަންކޮށްފައެވެ.
މި މަޤާމަށް ޝަމްޢާ އައްޔަންކުރެވިފައިވަނީ، ކުރިން މި މަޤާމުގައި ހުންނެވި މަރިޔަމް ވިސާމް އިސްތިއުފާ ދެއްވުމާ ގުޅިގެންނެވެ.
އަލްއުސްތާޛާ މަރްޔަމް ޝަމްޢާ އިސްމާޢީލްއަކީ ޔުނިވަރސިޓީ އޮފް ދަ ވެސްޓް އޮފް އިންގްލެންޑް ބްރިސްޓްލްއިން ބެޗްލަރ އޮފް ލޯ ހާސިލްކުރައްވާފައިވާ ޤާނޫނީ ވަކީލެކެވެ.
އޭނާގެ ފަންނީ ތަޖުރިބާގެ ތެރޭގައި 2021 ވަނަ އަހަރުން ފެށިގެން ކޮންސިއުމަރ އޮމްބަޑްސްމަންގެ މަޤާމު އަދާކުރެއްވުން ހިމެނެއެވެ.
މީގެ އިތުރުން، ޝަމްޢާ ވަނީ ހިއުމަން ރައިޓްސް ކޮމިޝަންގެ ޑިރެކްޓަރ އޮފް ލީގަލް އެންޑް ޕޮލިސީ އެފެއާޒްގެ މަޤާމާއި ސުޕްރީމް ކޯޓުގެ ރަޖިސްޓްރާގެ މަޤާމުވެސް އަދާކުރައްވާފައެވެ.
ރަޖިސްޓްރާރ އޮފް ކޮމްޕެނީސްގެ މަޤާމަކީ ދިވެހިރާއްޖޭގެ ވިޔަފާރި ރަޖިސްޓްރީކުރުމާއި ބެލެހެއްޓުމުގެ މަސްއޫލިއްޔަތު އަދާކުރާ އެންމެ އިސް ފަރާތެވެ.
