ޗެމްޕިއަންސް ލީގުގެ ގަދަ 16 ވަނަ ރައުންޑްގެ ދެވަނަ ލެގުގައި ފްރާންސްގެ ލިލް ފަހަތުން އަރައި ބަލިކޮށް، ބޮރޫޝިއާ ޑޯޓްމަންޓް ކުއާޓަރ ފައިނަލަށް ދަތުރުކޮށްފިއެވެ. ޑޯރޑްމަންޑުން ރޭގައި ކުޅުނު މެޗު ކާމިޔާބުކުރީ 2-1 އިންނެވެ. މިއާއެކު، އެގްރިގޭޓް ސްކޯރ 3-2 ޑޯރޓްމަންޑް ވަނީ ކުރިހޯދާފައެވެ.

ޑޯރޓްމަންޑް ދަނޑުގައި ކުލުނު ފުރަތަމަ ލެގް 1-1 އިން އެއްވަރުވުމަށްފަހު، ދެވަނަ ލެގްގައި ރޭގައި އެންމެ 5 މިނެޓުގައި ލިލްގެ ޖޮނަތަން ޑޭވިޑްގެ ގޯލަކުން ލިލް ލީޑުނެގިނަމަވެސް، 54 ވަނަ މިނެޓްގައި ތޯމަސް މިއުނިއަރ ޖޫލިއަން ބްރަންޓަށް ފައުލްކުރުމުން ލިބުނު ޕެނަލްޓީ އެމްރެ ޗަންގެ ފަރާތުން ވަނީ ގޯލަކަށް ބަދަލުކޮށްފައެވެ. އަދި މެޗްގެ 79 ވަނަ މިނެޓްގައި ބެއިއަރ ވަނީ އިތުރު ގޯލެއް ޖަހައި ފަހަތުން އަރައި ޑޯރޑްމަންޑް އަށް ލީޑުނަގައިދީފައެވެ. މިއީ ބެއިއަރގެ ޗެމްޕިއަންސް ލީގުގެ ފުރަތަމަ ލަނޑެވެ.

މި މެޗާއެކު ޑޯޓްމަންޓް ވަނީ ވިދިވިދިގެން ދެވަނަ ސީޒަނަށް ޗެމްޕިއަންސް ލީގުގެ ކުއާޓަރ ފައިނަލަށް ދަތުރުކޮށް، ޖުމްލަ 9 ވަނަ ފަހަރަށް ކުއާޓަރ ފައިނަލަށް ދަތުރުކޮށްފައެވެ. ރޭގެ މެޗުގައި ލިލްގެ ޖޮނަތަން ޑޭވިޑް ވަނީ 13 ލަނޑާއެކު އެ ކުލަބުގެ ޔޫރަޕިއަން މުބާރާތްތަކުގެ އެންމެ ގިނަ ލަނޑު ޖެހި ކުޅުންތެރިޔާގެ ރެކޯޑް އައު ކޮށްފައެވެ.

ކުއާޓަރ ފައިނަލްގައި ޑޯޓްމަންޓް ބައްދަލުކުރަން ޖެހޭނީ ބާސެލޯނާއާއި ދެކޮޅަށެވެ.