ކަނޑުމަގުން ރާއްޖެ އެތެރެކުރަން އުޅުނު 6.7 މިލިއަން ރުފިޔާގެ މަސްތުވާތަކެތި އަތުލައިގަނެފައިވާކަމަށް މޯލްޑިވްސް ކަސްޓަމްސް ސާވިސްއިން މިއަދު ބުނެފިއެވެ.

ކަސްޓަމްސްއިން ބުނިގޮތުގައި މި ތަކެތި އަތުލައި ގަތީ މިއަދު މާލޭ ކޮމާޝަލް ހާބަރު ތެރެއިން އެތެރެކުރަން އުޅެނިކޮށެވެ.

ކަސްޓަމްސްއިން ދިން މަޢުލޫމާތުގައިވާ ގޮތުން، އަތުލައިގަނެވުނު މަސްތުވާތަކެތީގެ ތެރޭގައި ހިމެނެނީ 2,138 ގްރާމްގެ މެތަމްފެޓަމިން، 1,086 ގްރާމްގެ ކެޓަމިން، އަދި 310 ގްރާމްގެ ހެރޮއިނެވެ. މި ތަކެތީގެ ޖުމްލަ ބަރުދަނަކީ 3.5 ކިލޯގްރާމެވެ.

މި އަތުލައިގަނެވުނު މަސްތުވާތަކެތީގެ މަގުމަތީ އަގު ގާތްގަނޑަކަށް 6.7 މިލިއަން ދިވެހި ރުފިޔާއަށް އަރާ ކަމަށް ކަސްޓަމްސް އިން ބުނެއެވެ.