އިޓަލީގެ ސީރީ އޭ ކްލަބް އޭސީ މިލާނުން ޗެލްސީގެ ފޯވަޑް ޖޯއާއޯ ފީލިކްސް ދާއިމީކޮށް ސޮއިކުރުމުގެ ވިސްނުން ބަދަލުކޮށްފިއެވެ. މި ނިންމުން ނިންމާފައިވަނީ ފީލިކްސްގެ ފަރާތުން މިހާތަނަށް ދައްކާފައިވާ ކުޅުމަށް ބަލާފައެވެ.

ޕޯޗުގީޒް ފޯވަޑް ފީލިކްސް ލޯނު އެއްބަސްވުމެއްގެ ދަށުން މިލާނަށް ބަދަލުވެފައިވަނީ މިއަހަރުގެ ޖެނަވަރީ މަހުގައެވެ. މިލާނުގައި ޖޯޒީގައި އޭނާ މިހާތަނަށް 12 މެޗު ކުޅެފައިވާއިރު، ޖެހިފައިވަނީ އެންމެ ލަނޑެކެވެ. އަދި ލެޗޭއާ ދެކޮޅަށް ކުޅުނު މެޗުގައި އެސިސްޓެއް ދިނުން ފިޔަވައި އިތުރު ކާމިޔާބީއެއް ހޯދާފައެއް ނުވެއެވެ.

މިލާނުން ފީލިކްސް ދާއިމީކޮށް ސޮއިކުރުމަށް ޗެލްސީއާއެކު މަޝްވަރާކުރުމަށް ނިންމާފައިވަނީ ނުކުރުމަށެވެ. ނަމަވެސް، ސީޒަން ނިމެންދެން އޭނާގެ ކުޅުމަށް ބަދަލު އައިސްފިނަމަ، 45 މިލިއަން ޔޫރޯއަށް އޭނާ ގަތުމުގެ ފުރުސަތު އޮތްކަމަށް ވެއެވެ. ނަމަވެސް މިލާނުން މިހާރު ބޭނުންވަނީ އަދި އިތުރު އެއް އަހަރަށް ލޯނު އެއްބަސްވުން އިތުރުކުރުން ކަމުގައި ރިޕޯޓްތައް ބުނެއެވެ،ފީލިކްސްއަކީ މިދިޔަ އަހަރު ޖޫންގައި އެތްލެޓިކޯ މެޑްރިޑުން ޗެލްސީއަށް ބަދަލުވިކުޅުންތެރިއެކެވެ. ނަމަވެސް ޗެލްސީ ޖޯޒީގައި އެންމެ އެދެވޭ ކުޅުމެއް ދެއްކިފައިނުވާތީ 6 މަސްފަހުން ލޯނުއެއްބަސްވުމެއްގެ ދަށުން މިލާން އަށް ފީލިކްސް ވަނީ ބަދަލުވެފައެވެ.