logoEN
ކުޅިވަރު

2027 ވަނަ އަހަރުގެ ޗެންޕިއަންސް ލީގުގެ ފައިނަލް ކުޅޭނީ މެޑްރިޑްގައި

2027 ވަނަ އަހަރުގެ ޗެންޕިއަންސްލީގު ފައިނަލް ކުޅޭނީ މެޑްރިޑްގައި

2027 ވަނަ އަހަރުގެ ޗެންޕިއަންސްލީގު ފައިނަލް ކުޅޭނީ މެޑްރިޑްގައި

އަބްދުﷲ ޣާނިމްއަބްދުﷲ ޣާނިމް

20 މާރިޗު 2025 - 03:54

2027 ވަނަ އަހަރުގެ ޔުއެފާ ޗެމްޕިއަންސް ލީގުގެ ފައިނަލް މެޗު ބާއްވާނީ ސްޕެއިނުގެ އެޓްލެޓިކޯ މެޑްރިޑްގެ ރިޔާދް އެއަރ މެޓްރޮޕޮލިޓާނޯ ސްޓޭޑިއަމްގައި ކަމަށް ސްޕެއިންގެ ފުޓްބޯޅަ އެސޯސިއޭޝަން (އާރްއެފްއީއެފް)ގެ ރައީސް ރަފައެލް ލޯޒަން ވަނީ ކަށަވަރުކޮށްދީފިއެވެ.

މި މެޗު އެންމެ ފުރަތަމަ ބޭއްވުމަށް ހަމަޖެހިފައި އޮތީ އިޓަލީގެ ސަން ސިރޯ ސްޓޭޑިއަމްގައެވެ. ނަމަވެސް އެ ސްޓޭޑިއަމްގެ ފެންވަރު ދަށްވުމާގުޅިގެން ތަޅާލުމުގެ މަސައްކަތް މިހާރުދަނީ ރާވަމުންނެވެ.

"މި އަހަރު ސްޕެއިންގައި ސަން މަމޭސްގައި ޔޫރަޕާ ލީގުގެ ފައިނަލް އެބައޮތް. އަދި 2027 ގައި މެޑްރިޑްގެ މެޓްރޮޕޮލިޓާނޯގައި ޗެމްޕިއަންސް ލީގުގެ ފައިނަލްވެސް ކަށަވަރުވެފައި އެބައޮތް. އަދި ސެވިއްޔާގައި ކުރިއަށް އޮތް އަހަރުތަކުގައި ޔޫރަޕިއަން ފައިނަލެއް ބޭއްވުމަށް އަޅުގަނޑުމެންގެ އެހީތެރިކަމާއެކު ނޭދެންވީ ސަބަބެއް ނެތް" ލޯޒަން ވިދާޅުވިއެވެ.

އިތުރަށް ވާހަކަދައްކަވަމުން ލޯޒަން ވިދާޅުވީ އޭނާ ޔުއެފާގެ ރައީސް އަލެކްސަންޑަރ ސެފެރިންއާ ދެތިން ފަހަރު ބައްދަލުކުރައްވާފައިވާ ކަމަށާއި، ސެވިއްޔާގައި މިފަދަ މުބާރާތެއް ބޭއްވުމުގެ ފުރުސަތަށް އެދިވަޑައިގަންނަވާނެ ކަމަށެވެ. އެއީ އެ ސިޓީގައި މިފަދަ އިވެންޓެއް ބޭއްވުމަށް ބޭނުންވާ ވަސީލަތްތަކާއި، ރަނގަޅު ހޮޓެލްތަކުގެ އިންފްރާސްޓްރަކްޗަރ ޤާއިމްވެފައިވާތީއެވެ.

މިއަހަރުގެ ޗެންޕިއަންސް ލީގުގެ ފައިނަލް ޖަރުމަނުގެ އެލިއަންޒް އެރީނާގައި ކުޅެން ހަމަޖެހިފައިވާއިރު، 2026 ވަނަ އަހަރުގެ ފައިނަލް ކުޅޭނީ ހަންގޭރީގެ ޕުސްކަސް އެރީނާގައެވެ.

ކޮމެންޓް

871x217_placeholder