ޔުއެފާ ނޭޝަންސް ލީގުގެ ކުއާޓަރ ފައިނަލް ފުރަތަމަ ލެގުގައި އިޓަލީގެ މިލާނުގެ ސަންސީރޯ ސްޓޭޑިއަމްގައި ރޭ ކުޅުނު މެޗުގައި ޖަރުމަނުން ވަނީ 2-1 ގެ ނަތީޖާއަކުން އިޓަލީ ބަލިކޮށްފިއެވެ.

މެޗުގެ ފުރަތަމަ ލަނޑު ޖަހައި އިޓަލީއަށް ކުރިއެރުން ހޯދައިދިނީ މެޗުގެ 9 ވަނަ މިނެޓުގައި ސެންޑްރޯ ޓޮނާލީ އެވެ. އެހެންނަމަވެސް ދެވަނަ ހާފުގައި ޖަރުމަނުން ވަނީ މެޗުގެ ނަތީޖާ ބަދަލުކޮށް، މެޗުގެ ނަތީޖާ ބަދަލުކޮށްފައެވެ.

ދެވަނަ ހާފުގައި ޖަރުމަނު ކޯޗު ޖޫލިއަން ނަގެލްސްމަން ބަދަލު ކުޅުންތެރިއެއްގެ ގޮތުގައި ކުޅެން އެރުވި ޓިމް ކްލެއިންޑިއެންސް ވަނީ 49 ވަނަ މިނެޓުގައި މެޗުގެ ނަތީޖާ އެއްވަރުކޮށްފައެވެ. މި ލަނޑު އޭނާ ޖެހީ ޖޯޝުއާ ކިމިޗް ނަގައިދިން ހުރަހެއް ބޮލުން ޖަހައިގެންނެވެ.

މެޗުގެ މޮޅުވި ލަނޑު ޖަރުމަނަށް ކާމިޔާބުކޮށްދިނީ 76 ވަނަ މިނެޓުގައި ލިބުނު ކޯނަރަކުން ލިއޮން ގޮރެޓްޒްކާ އެވެ. ރޭގެ މޮޅާއެކު، އިޓަލީގެ އަމިއްލަ ދަނޑުގައި ޖަރުމަނު އަތުން ބަލިނުވެ އެ ޓީމުން ދަމަހައްޓަމުން އައި 37 އަހަރުގެ ރެކޯޑު ވަނީ ނިމުމަކަށް އައިސްފައެވެ. އިޓަލީގެ އަމިއްލަ ދަނޑުގައި ޖަރުމަނު އަތުން އެ ޓީމު އެންމެ ފަހުން ބަލިވެފައިވަނީ 1986 ވަނަ އަހަރުގެ ފެބްރުއަރީ މަހުގައެވެ. މި މެޗުގެ ދެވަނަ ލެގު ކުޅޭނީ ޖަރުމަނުގެ ދަނޑުގައެވެ.

ކުއާޓަރ ފައިނަލުގެ ދެވަނަލެގު އަންނަ އާދީއްތަ ދުވަހު ޖަރުމަނުގެ ޑޯޓުމަންޑުގައި ކުޅޭނެއެވެ،