މާދަމާ އަކީ އީދަށް ވެދާނެކަމަށް މައުމޫނު އަނެއްކާވެސް ތަކުރާރުކުރަށްވައިފި
މުހައްމަދު މޫސާ29 މާރިޗު 2025 - 09:40
އިސްލާމީ އެހެން ޤައުމަކަށް މިރޭ ހަނދުސާބިތު ވެގެން ރާއްޖެއަށް ހަނދުލައްވައިފިނަމަ މާދަމާ ވާނީ އީދަށްކަމަށް ކުރީގެ ރައީސް މައުމޫން އަބްދުލްގައްޔޫމް މިއަދު ވިދާޅުވެއްޖެ އެވެ.
މި ވާހަކަ މައުމޫން ވިދާޅުވެފައިވަނީ އެކްސް ގައި ކުރެއްވި ޕޯސްޓެއްގައެވެ.
Ad by Hajj Corporation
ފަލަކީ އިލްމުގައި ވެސް ފާހަގަކޮށްލެވޭ ޢިލްމްވެރިޔެއްގެ ގޮތުގައި މަޝްހޫރު، ކުރީގެ ރައީސް މައުމޫން ވިދާޅުވެފައިވަނީ ބަރާބަރު ފަލަކީ ހިސާބުން ދައްކާގޮތުގައި މިރޭ ރާއްޖެއަށް އިރާއި ހަނދު އޮއްސެނީ އެއްވަގުތެއްގައި ކަމަށެވެ. އެއީ 18 ގަޑި 14 މިނެޓުގައި ކަމަށް މައުމޫން ވިދާޅުވިއެވެ.
"ވީމާ އިރު އޮއްސުމަށްފަހު އުދަރެހުގައި ހަނދެއް ނުހުންނާނެއެވެ. އަދި މާދަމާވާނީ ރަމަޟާން ތިރީހަށެވެ. އެހެންނަމަވެސް އިސްލާމީ އެހެންޤައުމަކަށް މިރޭ ހަނދުސާބިތު ވެގެން ރާއްޖެއަށް ހަނދުލައްވައިފިނަމަ މާދަމާ ވާނީ އީދަށެވެ،" މައުމޫން ވިދާޅުވެފައިވެއެވެ.
މީގެ އިތުރުން، މައުމޫން ކުރިން ވިދާޅުވެފައިވާ ގޮތުގައި މާރިޗު 30 ވާ އާދީއްތަ ދުވަހަކީ މިއަހަރުގެ ފިޠުރު ޢީދު ދުވަހަށް ވާނެކަމަށް ވަރަށް ބޮޑަށް ޔަޤީން ކުރެވޭ ކަމަށް ވެސް ވިދާޅުވެފައިވެއެވެ. އަދި ހިޖުރީ މަހެއް ފެށުމަށް އާ މަހުގެ ހަނދު ހަމަލޮލަށް ފެނުން ލާޒިމު ނޫންކަމަށް ވެސް މައުމޫން ވަނީ ވިދާޅުވެފައެވެ.
