ފިތުރު އީދު ފާހަގަކުރަން މިރޭ ހުޅުމާލޭ ސެންޓްރަލް ޕާކުގައި ޑްރޯން ޝޯއާ ހަވާ އަރުވަން ނިންމައިފި އެވެ.

އެޗްޑީސީއިން ބުނެފައިވަނީ، މިރޭ 8:30 ގައި ޑްރޯން ޝޯއެއް ތިރީސް މިނެޓަށް ކުރިއަށް ގެންދާނެ ކަމަށެވެ. އަދި އެއަށްފަހު 9:00 ގައި ހަވާ އަރުވާނެ ކަމަށެވެ.

އެޗްޑީސީން ބުނީ މިފަދަ ހަރަކާތެއް ބޭއްވުމުގެ ބޭނުމަކީ، އީދުގެ އުފާ ކުލަ ގަދަކޮށް ފާހަގަކުރުން ކަމަށާ އީދުގެ އުފަލުގައި ހުރިހާ އެންމެން ބައިވެރިކުރުވުން ކަމަށެވެ.

މީގެ އިތުރުން އެޗްޑީސީން ވަނީ މިއަދު ހަވީރު މަންފާ ޖަމްއިއްޔާއާ ގުޅިގެން ސެންޓްރަލް ޕާކުގައިޚާއްސަ ކުޑަކުދިންގެ ހަވީރެއްވެސް ކުރިއަށްގެންގޮސްފަ އެވެ.

މީގެ އިތުރުން އެމްއެންޑީއެފް އާއި ސަރުކާރު ހިއްސާވާ ބައެއް ކުންފުނިތައް ގުޅިގެން "އީދު ހަވީރު" ގެ ނަމުގައި މިއަދު ހަވީރު ސަލްޓަންޕާކާއި ޖުމްހޫރީ މައިދަނުގައި ވަނީ ބޮޑު ކުޑަކުދިންގެ ހަވީރެއްވެސް ބާއްވާފަ އެވެ. އީދު ހަދިޔާ ދިނުމާއި މުނިފޫހިފިލުމުގެ ގިނަ ހަރަކާތްތަކެއް އެ ސަރަހައްދުގައި ކުރިއަށް ގެންދިޔަ އެވެ.