ފާފު އަތޮޅުގައި ބާއްވާ އެންމެ ބޮޑު އަދި އެންމެ ވާދަވެރި ފުޓްސަލް މުބާރާތް އެއަތޮޅުގެ މަގޫދޫގައި ފެށުމަށް ތައްޔާރުވެއްޖެއެވެ.މިމުބާރާތަކީ ފ. މަގޫދޫ ޒުވާނުންގެ ކުލަބު ން އިސްނަގައިގެން ފ. މަގޫދޫ ކައުންސިލާއި ގުޅިގެން 2025 ވަނަ އަހަރުގެ ފިތުރު އީދުގެ މުނާސަބަތާއި ގުޅުވައިގެން ފ އަދި ދ އަތޮޅުގެ ހުރިހާ ރަށަކަށް ހުޅުވާލައިގެން ބޭއްވުމަށްހަމަޖެހިފައިވާ ފުޓްސެލް މުބާރާތެކެވެ.

މިމުބާރާތުގެ ގުރުއަތުލުން އިޔްޔެ މަގޫދޫ ކައުންސިލް އިދާރާގައި ބޭއްވިފައިވާއިރު، މުބާރާތުގެ ހުޅުވުމުގެ ގޮތުން ވާދަކުރާނީ މީދޫގެ އެފްސީ ވައިޕާރސް އާއި ސީއެސް ސްޕޯރޓްސް ކުލަބެވެ.

މިއަހަރުވެސް އެހެން އަހަރުތަކެކޭ އެއްފަދައިން ޓީމުތަކުން މިމުބާރާތައް ބޮޑެތި ޚަރަދުތަކެއް ކޮށްފައިވެއެވެ. އެގޮތުން ރާއްޖޭގެ ފުޓްސަލް ގައި ފާހަގަކޮށްލެވޭ ނަންމަޝްހޫރު ގިނަ ކުޅުންތެރިންތަކެއް މިފަހަރުވެސް މިމުބާރާތުގައި ފެނިގެންދާނެއެވެ.

މި މުބާރާތުގެ މެޗުތައް ކުރިޔަށްދާނީ މިމަހުގެ މާރިޗު މަހުގެ 31 އިން އޭޕްރީލް 6 އާއި ދެމެދުގައެވެ.

Ad by Hajj Corporation

ޖުމްލަ 10 ޓީމަކުން ވާދަކުރާ މިމުބާރާތް ދެގުރޫޕަކަށް ބަހާލައިގެން ލީގު ސިސްޓަމަށް ގްރޫޕް ސްޓޭޖު ކުޅެވޭއިރު، ކޮންމެ ގްރޫޕެއްގެ އެއްވަނަ އަދި ދެވަނަ ޓީމު މުބާރާތުގެ ސެމީއަށް ދަތުރުކުރާނެއެވެ. މުބާރާތުގެ ފައިނަލް އޭޕްރީލް މަހުގެ 6 ވަނަ ދުވަހު ކުޅެންހަމަޖެހިފައިވާއިރު، މުބާރާތުގެ ހުރިހާ މެޗެއްވެސް ކުޅޭނީ މަގޫދޫ ފުޓްސަލް ގްރައުންޑުގައެވެ.

ފާފު އަތޮޅުގެ އެންމެ ގިނަދުވަސްވީ ފުޓްބޯޅަ މުބާރާތުގެ މިދިޔަ އަހަރުގެ ޗެންޕިއަން ޓީމަކީ ދަރަނބޫދޫ އަށް ނިސްބަތްވާ ބީސީ ސްޕޯރޓްސް ކުލަބެވެ.