ކޮންކަކަފް ޗެމްޕިއަންސް ކަޕްގެ ކުއާޓަރ ފައިނަލްގެ ފުރަތަމަ ލެގުގައި ބުދަ ދުވަހުގެ ރޭ ކުޅުނު މެޗުން ލިއޯނެލް މެސީގެ އިންޓަރ މަޔާމީ، ލޮސް އެންޖެލެސް އެފްސީ (އެލް.އޭ.އެފް.ސީ) އަތުން ބަލިވެއްޖެއެވެ.

ބީއެމްއޯ ސްޓޭޑިއަމްގައި ކުޅުނު މި މެޗުގައި އެލް.އޭ.އެފް.ސީގެ 21 އަހަރުގެ ޒުވާން ސްޓްރައިކަރު ނޭތަން އޯޑާޒް ވަނީ 57 ވަނަ މިނެޓްގައި ލަނޑެއް ޖަހާފައެވެ. މި މެޗުގައި މެސީއަށް އެންމެ އެދެވޭ ކުޅުމެއް ދެއްްކިފައެއް ނުވެއެވެ. މެޗުފެށިގެން ނިމުމާއި ހަމައަށް އެލް.އޭ.އެފް.ސީގެ ސަޕޯޓަރުން ދިޔައީ މެސީއަށް ބޯޅަލިބޭ ކޮންމެ ފަހަރަކު ހަޅޭއްލަވަމުންނެވެ. އަދި އެލް.އޭ.އެފް.ސީ ސަޕޯޓަރުން ވަނީ މެސީއާއި ދިމާކޮށް ބެނަރ އެއްވެސް ދަމާފައެވެ.

Ad by Hajj Corporation

މި މެޗާ ހަމައަށް 2025 ވަނަ އަހަރުގެ ސީޒަންގައި އިންޓަރ މަޔާމީ ވަނީ ވިދިވިދިގެން ހަތް މެޗު ކާމިޔާބުކޮށް، ޖުމްލަ 9 މެޗުގައި ބަލިނުވެ ކުރިޔަށް ގޮސްފައެވެ. ނަމަވެސް މި މެޗާ އެކު ޓީމުގެ މިއަހަރުގެ އަންބީޓަން ރެކޯޑު ވަނީ ނިމުމަކަށް އައިސްފައެވެ.

އިންޓަރ މަޔާމީގެ ޓީމު ދެން ކުޅޭނީ އާދީއްތަ ދުވަހުގެ ރޭ ޗޭސް ސްޓޭޑިއަމްގައި ޓޮރޮންޓޯ އެފްސީ އާ ދެކޮޅަށެވެ. މިއީ ލީގުގެ މެޗެކެވެ.

.މިދެޓީމު ވާދަކުރާ ކުއާޓަރ ފައިނަލުގެ ދެވަނަލެގު އޮތީ މިމަހުގެ 10 ވަނަ ދުވަހު މަޔާމީގައެވެ.