މަގޫދޫގައި މިހާރު ކުރިޔަށްދާ އެލްފޯކަޕްގެ ސެމީގެ ފަހު ދެޖާގަ އަލްފައުޒް ނިއު ޖެނެރޭޝަން އާއި މީދޫ ރައިޑަރސް ސްޕޯރޓްސް ކުލަބު ހޯދައިފިއެވެ.

މުބާރާޓުގެ ގްރޫޕްސްޓޭޖުގެ ފަހުމެޗުތަކުގައި ގްރޫޕް 1ގައި ރޭގައި އަލްފައުޒް ނިއު ޖެނެރޭޝަން ސެމީގެ ޖާގައެއް ކަށަވަރުކުރީ މީދޫގެ އެފްސީ ވައިޕާރސް 2-1 އިން ބަލިކޮށްގެންނެވެ. މެޗު ފަށައިގެން 8 ވަނަ މިނެޓުގައި އަލްފައުޒްގެ ސުޢޫން ވަނީ އެޓީމަށް ލީޑު ނަގާދީފައެވެ. ނަމަވެސް ދެވަނަ ހާފުގެ ކުރީކޮޅު ވައިޕާރސް ގެ ޖަމްޝީދު ވަނީ ގޯލެއް ޖަހައި ނަތީޖާ ހަމަކޮށްދީފައެވެ. އަދި އޭގެ މިނެޓެއްފަހުން ފައުޒްގެ އަންމާރު ވަނީ ގޯލެއްޖަހައި އެޓީމު ސެމީއަށް ގެންގޮސްދީފައެވެ. ރޭގެ މޮޅާއެކު ފައުޒް ނިއުޖެނެރޭޝަން ސެމީއަށް ދަތުރުކޮށްފައިވަނީ 4 މެޗުން 7 ޕޮއިންޓް ހޯދައިގެންނެވެ.އަލް ފައުޒް ނިއު ޖެނެރޭޝަން ޓީމު. ފޮޓޯ: އެމްޒެޑްސީ

މި ގްރޫޕްގެ އެއްވަނަ ޓީމެއްގެ ގޮތުގައި ކުޅުނު ހުރިހާ މެޗަކުން މޮޅުވެ ފެލޭލާ ސެމީއަށް ދަތުރުކޮށްފައިވާއިރު، މި ގްރޫޕްގައި ސީއެސް ސްޕޯރޓްސް (ސްކޯޕިއަންސް) ވަނީ ގަޓްސިޓީ 5-3 އިން ބަލިކޮށް މުބާރާތުގެ ފުރަތަމަ މޮޅު ރޭގައި ހޯދާފައެވެ. މިމެޗުގައި ސްކޯޕިއަންސްގެ މާއިން ދެ ގޯލުޖަހާފައިވާއިރު، އަހުމަދު މުއާޒު އާއި މުހަންމަދު އަލީގެ އިތުރުން އާމިލް ވެސް ގޯލުޖަހާފައިވެއެވެ. ގަޓްސިޓީގެ ގޯލުތައް ޖަހާފައިވަނީ އިފްހާމް އާއި ވިސާހުގެ އިތުރުން ރަޔާން އެވެ.

ޕޮއިންޓް ޓޭބަލް (ގްރޫޕް 1 - ފައިނަލް)

މުބާރާތުގެ ގްރޫޕް 2 ގައި މީދޫގެ ރައިޑަރސް އިން ވަނީ ބިލެތްދޫގެ ޒަލްޒަލާ 3-0 އިން ބަލިކޮށް ސެމީގެ ޖާގަކަށަވަރުކޮށްފައެވެ. މިމެޗުގެ ރައިޑަރސްގެ 2 ގޯލު ޖޫދު ޖަހާފައިވާއިރު އަނެއްގޯލުޖެހީ އިސްމާޢިލް ނައުޝް އެވެ. ރައިޑަރސް ސެމީގެ ޖާގައެއްހޯދީ 7 ޕޮއިންޓާއެކު ވެސްޓް ސިޓީއާއި އެއްވަރުވެ ފައިދާ ގޯލުގެ ތަފާތުންނެވެ.

މިގްރޫޕްގައި ވެސްޓް ސިޓީއިން ރޭމުބާރާތުގައި ބައިވެރިވާ ރައިޑަރސް ގެ ޓީމު. ފޮޓޯ: އެމްޒެޑްސީ

ގައި އޭއެމްޑީ 4-3 އިން ބަލިކޮށްފައިވެއެވެ. އެގޮތުން އޭއެމްޑީގެ މުނީރު އާއި އިޝާން ދެގޯލުޖަހާފައިވަނިކޮށް ވެސްޓުގެ މުހަންމަދު އަހުމަދު ވަނީ ދެގޯލުޖަހައި ނަތީޖާ ހަމަހަމަކޮށްފައެވެ. އަދި އޭއެމްޑީގެ ހުސައިން ޝަރީފު އެޓީމަށް ދެވަނަ ފަހަރަށް ލީޑުނަގައިދިން ނަމަވެސް ވެސްޓުގެ މުޙައްމަދު އަހުމަދު ވަނީ ދެގޯލު އިތުރަށް ޖަހާފައެވެ. މިމެޗުގައި ވެސްޓުގެ ހުރިހާ ގޯލުތަކެއްވެސް ޖަހައިދިނީ މުޙައްމަދު އަހުމަދުއެވެ.

ޕޮއިންޓް ޓޭބަލް (ގްރޫޕް 2 - ފައިނަލް)

މިގްރޫޕްގެ އެއްވަނަ ޓީމެއްގެ ގޮތުގައި ފައުޒް ސްޕޯރޓްސް ސެމީއަށް ދަތުރުކޮށްފައިވާއިރު ސެމީގައި ވާދަކުރަން ޖެހޭނީ ފައުޒް ނިއުޖެނެރޭޝަން އާއެވެ. މިއީ އެއް މެނޭޖްމަންޓެއްގެ ދެޓީމެވެ. ސެމީގެ ދެވަނަ މެޗުގައި ވާދަކުރާނީ ފެލޭލާ އާއި ރައިޑަރސް އެވެ.

ސެމީފައިނަލްމެޗުތައް މިރޭގައި ކުޅެން ހަމަޖެހިފައިވާއިރު ހުރިހާމެޗުތަކެއް މެންދުރު ޓީވީއިލް ލައިވް ކުރާނެއެވެ.