ކުރީގެ ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ގެ ޕާސްޕޯޓު ހިފަހެއްޓި މައްސަލާގައި އިސްތިއުނާފުކުރި މައްސަލަ ބަލައިނުގަތުމަށް ހައި ކޯޓުގެ ރަޖިސްޓްރާ ނިންމި ނިންމުން، ފަނޑިޔާރުންގެ މަޖިލީހުން ބާތިލްކޮށްފި އެވެ.

ބިންވެރިޔާ ސްކީމްގެ ދަށުން ގޯތި ލިބޭ މީހުންގެ ލިސްޓުގައި ނުހިމެނޭ ފަރްތަކަކަށް ގޯތި ދިންކަމަށް ތުހުމަތުކުރެވޭ މައްސަލައިގައި ކުރީގެ ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީންނާއި އިތުރު ހަތަރު މީހެއްގެ ޕާސްޕޯޓް ހިފަހައްޓަފައި ވަނީ މިދިޔަ ޑިސެމްބަރު މަހުގެ 20 ވަނަ ދުވަހު އެވެ.

Ad by Hajj Corporation

އަކުރަމްގެ ޕާސްޕޯތު ހިފެހެއްޓި މައްސަލަ ހައިކޯޓުގައި އިސްތިއުނާފް ކުރުމުން އެ މައްސަލަ އަކީ ކްރިމިނަލް ކޯޓުގައި މުރާޖައާ ކުރުމުގެ ފުރުސަތު އޮތް މައްސަލައެއް ކަމަށް ބުނެ އެމައްސަލަ ބަލައި ނުގަތުމަށް ހައިކޯޓުގެ ރަޖިސްޓްރާ ވަނީ ނިންމާފަ އެވެ. ރަޖިސްޓްރާގެ ނިންމުން އަކްރަމްގެ ފަތާރުން ވަނީ ހައިކޯޓަށް ހުށަހަޅާފަ އެވެ. އަދި މައްސަލަ ބެލުމަށް ނިންމީ ތިން ފަނޑިޔާރުންގެ ތެރެއިން ފަނޑިޔާރު ދީބަނާޒް ފަހުމީ އާއި ފަނޑިޔާރު ހުޒައިފާ މުހައްމަދެވެ. ފަނޑިޔާރު މުހައްމަދު ޝަނީޒް އަބްދުﷲގެ ރައުޔަކީ ރަޖިސްޓްރާ ނިންމުން ރަނގަޅު ކަމަށެވެ. 

އެ އެންމެގެ ޕާސްޕޯޓު ހިފެހެއްޓުމަށް އެދުނީ އެންޓި ކޮރަޕްޝަން ކޮމިޝަން (އޭސީސީ)އިންކަމަށް މައުލޫމާތު ލިބެއެވެ.

ކުރީ ސަރުކާރުގެ ހައުސިން މިނިސްޓްރީގެ ސްޓޭޓް މިނިސްޓަރުގެ މަގާމުގައި ހުންނެވި އަކްރަމް ކަމާލުއްދީނާއި، އެމިނިސްޓްރީގެ ކުރީގެ ސީނިއާ އެގްޒެކެޓިވް ޑިރެކްޓަރު މުޙައްމަދު އާރިފް، ކުރީގެ ޑިރެކްޓަ ޖެނެރަލް އަޙްމަދު ވިޝާން ނަސީމް އަދި ކުރީގެ ސީނިއާ އެގްޒެކެޓިވް ޑިރެކްޓަރު ލިރުގަމްގެ ޕާސްޕޯޓް ވަނީ ހިފަހައްޓާފައެވެ.