ސިއްހީ އެހީގެ ސާމާނު ހުސްވާތީ ޣައްޒާގެ ޞިއްޙީ ވުޒާރާއިން ކަންބޮޑުވުން ފާޅުކޮށްފިއެވެ.

މަހަކަށްވުރެ ގިނަ ދުވަހު އިންސާނީ އެހީގެ ތަކެތި ޣައްޒާއަށް ވަނުން މަނާކުރުމުގެ ސަބަބުން ހޮސްޕިޓަލްތަކުގައި ހުރި ބޭހުގެ ސްޓޮކް ވަނީ "ނުރައްކާތެރި" އަދި "މިހާތަނަށް ދުވަހަކުވެސް ނުދެކޭފަދަ" ދަށް މިންވަރަކަށް ގޮސްފައެވެ.މިއަދު އިޒްރޭލުން ވަނީ ޣައްޒާގައި ހައްޔަރުކޮށްފައިވާ 80 އެއްހާ ފަލަސްޠީނުން ދޫކޮށްލާފައެވެ. މީގެ ތެރެއިން 10 މީހުންނަށް ވަނީ ކުއްލި ޞިއްޙީ ފަރުވާ ބޭނުންވެފައެވެ.ޞިއްޙީ ދާއިރާގެ މަޞްދަރުތަކުން ބުނާ ގޮތުގައި މިއަދު ފަތިހުން ފެށިގެން އިޒްރޭލުގެ ހަމަލާތަކުގައި މަދުވެގެން 17 މީހުން ވަނީ ޝަހީދުވެފައެވެ. އިއްޔެ، ޣައްޒާ ސިޓީގެ ޝުޖާޢިއްޔާ ސަރަޙައްދުގައި ހުރި ރިހާއިޝީ ޢިމާރާތްތަކަށް އިޒްރޭލުން ދިން ގިނަ ހަމަލާތަކުގައި މަދުވެގެން 35 ފަލަސްޠީނުން ޝަހީދުވެ އިތުރު 55 މީހުން ޒަޚަމްވެފައިވެއެވެ. އަދި 80 މީހުން އިމާރާތްތަކުގެ ދަށުވެފައިވާކަމަށް ސިއްހީ ވުޒާރާއިން ބުނެއެވެ.ޣައްޒާގެ ޞިއްޙީ ވުޒާރާއިން ބުނާ ގޮތުގައި އިޒްރޭލުން ޣައްޒާއަށް ކުރަމުންދާ ހަނގުރާމައިގައި މަދުވެގެން 50,846 ފަލަސްޠީނުން ޝަހީދުވެފައިވާކަން ޔަޤީންވެފައިވެއެވެ. އަދި 115,729 މީހުން ވަނީ ޒަޚަމްވެފައެވެ.