ޔުއެފާ ޔޫރޮޕާ ލީގުގެ ކުއާޓާ ފައިނަލް ފުރަތަމަ ލެގުގައި ރޭ ޓޮޓްނަމް ހޮޓްސްޕަރ ސްޓޭޑިއަމްގައި އެއިންޓްރެކްޓް ފްރެންކްފަޓާ ދެކޮޅަށް ކުޅުނު މެޗު 1-1 އިން އެއްވަރުވެއްޖެއެވެ. މި މެޗުގައި ދެ ޓީމުގެ ފަރާތުންވެސް ފެނިގެންގޮސްފައިވަނީ ދާދި ހަމަހަމަ ކުޅުމެކެވެ.

މެޗުގެ ކުރީކޮޅު، ހަވަނަ މިނިޓުގައި ފްރެންކްފަޓްގެ ހޫގޯ އެޓިކީޓޭ ވަނީ ލަނޑެއް ޖަހައި އެ ޓީމަށްލީޑުނަގައިދިނެވެ. އިނގިރޭސި ޕްރިމިއާ ލީގުގެ ގިނަ ކްލަބްތަކުން ޝައުގުވެރިކަން ފާޅުކޮށްފައިވާ އެކިޓީކޭ ވަނީ މި މެޗުގައި ފާހަގަކޮށްލެވޭ ކުޅުމެއް ދައްކާފައެވެ. ނަމަވެސް 26 ވަނަ މިނިޓުގައި ޖޭމްސް މެޑިސަން ދިން ޕާހަކުން ޕެޑްރޯ ޕޮރޯ ވަނީ ލަނޑެއް ޖަހައި މެޗުގެ ނަތީޖާ އެއްވަރުކޮށްފައެވެ.

Ad by Hajj Corporation

މެޗުގެ ދެވަނަ ހާފުގައި ޓޮޓްނަމް ހޮޓްސްޕަރ އިން ވަނީ އެ ޓީމުގެ ކުޅުން އިތުރަށް ރަނގަޅުކޮށް، އިދިކޮޅު ޓީމުގެ ގޯލަށް ނުރައްކާތެރި ގިނަ ހަމަލާތަކެއް ފޮނުވާފައެވެ. އެގޮތުން ލޫކަސް ބަރެވާލް އާއި ރޮޑްރިގޯ ބެންޓަންކޫރުގެ ހަމަލާތައް ގޯލުގެ ހުރަސް ދަނޑިއަށް އަމާޒުވެފައިވާއިރު، މެޑިސަން އާއި ސޮން ހިއުން-މިންގެ ހަމަލާތައް ފްރެންކްފަޓްގެ ގޯލްކީޕަރު ކައުއާ ސަންޓޯސް ވަނީ ހުއްޓުވާފައެވެ.

މެޗުގެ އިތުރު ވަގުތުގެ ފަހު މިނިޓުގައި މިކީ ވެންޑެވެން ބޮލުން ފޮނުވާލި ނުރައްކާތެރި ހަމަލާވެސް ކީޕަރު ސަންޓޯސް ވަނީ ވަރަށް

މި ދެ ޓީމުގެ ކުއާޓަރ ފައިނަލުގެ ދެވަނަ ލެގު އޮންނާނީ އަންނަ ހަފުތާގައި ޖަރުމަނުގައެވެ.