ވީއައިއޭއަށް 59 އަހަރު، ކުރިއަށް އޮތީ ބޮޑެތި މަޝްރޫޢުތައް
12 އޭޕްރީލު 2025 - 07:53
ވެލާނާ އިންޓަނޭޝަނަލް އެއާޕޯޓަށް މިއަދު 59 އަހަރު ފުރޭއިރު، އެއާޕޯޓުގެ ތަރައްޤީއަށް ޓަކައި ވަރަށް މުހިއްމު ބޮޑެތި މަޝްރޫޢުތައް ހިނގަމުންދާކަމަށް، މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމެއޭސިއެލް) ގެ ސީއީއޯ އަދި މެނޭޖިން ޑައިރެކްޓާ އިބްރާހީމް ޝަރީފް ވިދާޅުވެއްޖެއެވެ.
ވީއައިއޭގެ އަހަރީ ދުވަހުގެ މުނާސަބަތުގައި އެއާޕޯޓުގައި ބޭއްވި ދިދ ނެގުމުގެ ރަސްމިއްޔާތު ޝަރަފްވެރިކޮށްދެއްވާ، ވާހަކަފުޅު ދައްކަވަމުން ޝަރީފް ވަނީ އެއާޕޯޓުގެ ތަރައްޤީއަށް ޓަކައި ސަރުކާރުނ،ް ވަކިން ޚާއްސަކޮށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވާ އަހަމިއްޔަތު ފާހަގަކުރައްވައި އެކަމަށް ޝުކުރު އަދާކުރައްވާފައެވެ.
އެމެއޭސިއެލްގެ ސީއީއޯ އަދި މެނޭޖިން ޑައިރެކްޓާ އިބްރާހީމް ޝަރީފް؛ ވީއައިއޭގެ އަހަރީ ދުވަހުގެ މުނާސަބަތުގައި ބޭއްވި ދިދަ ނެގުމުގެ ރަސްމިއްޔާތުގައި ވާހަކަދައްކަވަނީ
މިއާއެކު އެއާޕޯޓުގެ ތަރައްޤީއަށްޓަކައި ވަރަށް މުހިއްމު ބޮޑެތި މަޝްރޫޢުތައް ހިނގަމުންދާކަން ފާހަގަކުރައްވައި ޝަރީފް ވިދާޅުވީ، ކޮންޓްރެކްޓަރުން ނިންމާނީ ފެސިލިޓީސް ކަމަށާއި އެތަންތަން އޮޕަރޭޝަނަލައިޒްކޮށް، ގައުމަށް އޭގެ ފައިދާ ހޯދައިދޭން ތިބީ މުވައްޒަފުން ކަމަށެވެ. އެގޮތުން އެއާޕޯޓުގެ މުވައްޒަފުންނަކީ އަބަދުވެސް ޤައުމަށްޓަކައި އަގުހުރި ޚިދުމަތްތަކެއް ކުރާ ބައެއްކަން ފާހަގަކުރައްވައި އެކަމަށްޓަކައި މުވައްޒަފުންނަށް ޝުކުރު އަދާކުރެއްވިއެވެ.
މީގެ އިތުރުން ޝަރީފް ވިދާލުވީ، އެއާޕޯޓުގެ ހަޔާތުގައި ކުރިޔަށް އޮތް އަހަރަކީ ޚިދުމަތްތައް ވަރަށް ބޮޑަށް ތަރައްޤީވެގެންދާނެ އަހަރެއްކަމަށާއި، ސްޓޭކްހޯލްޑަރުންނާއ،ި ފަސިންޖަރުން އުފާވާ ފަދަ ޚިދުމަތްތަކެއް އެއާޕޯޓުން ދޭން މަސައްކަތް ކުރަންޖެހޭ ކަމަށެވެ.
ވީއައިއޭގެ އަހަރީ ދުވަހުގެ މުނާސަބަތުގައި ބޭއްވި
ދިދަ ނެގުމުގެ ރަސްމިއްޔާތަށްފަހު ދުވަހުގެ މުނާސަބަތުގައި 59 ފޫޓުގެ ކޭކެއް ވަނީ ފަޅާފައެވެ. އަދި އެކުވެރިކަމުގެ ހިނގާލުމެއްވެސް ވަނީ ބާއްވާފައެވެ. އަހަރީ ދުވަސް ފާހަގަ ކުރުމަށްޓަކައި ކުރިޔަށް އޮތް ދުވަސްތަކުގައި މުވައްޒަފުންނަށް ޚާާއްސަ ގާލާ ނައިޓަކާއ،ި އެއް ދުވަހުގެ ހޭންޑްބޯލް މުބާރާތެއްވެސް ކުރިޔަށް ގެންދަން ވަނީ ހަމަޖެހިފައެވެ.
