ބަލިކވޮލީބޯލް އެސޯސިއޭޝަން އޮފް މޯލްޑިވްސްއިން އިންތިޒާމުކޮށްގެން ކުރިއަށްގެންދާ ވީއޭއެމް ކަޕް 2025 ގައި މިއަދު ހަވީރު ކުޅުނު މެޗުގައި ކ. ހުރާ ކޮމިއުނިޓީ ކުލަބުން ޅ. ނައިފަރު ޖީޖީ ސްޕޯޓްސް ކުލަބުގެ މައްޗަށް ފަސޭހަކަމާއެކު ކުރިހޯދައިފިއެވެ.

ޒުވާނުންގެ މަރުކަޒުގެ އެތެރޭ ކޯޓުގައި ކުޅުނު މި މެޗުގައި ހުރާ ކޮމިއުނިޓީ ކުލަބުން ވަނީ ސީދާ ތިން ސެޓުން މޮޅުވެފައެވެ. މެޗުގެ ސެޓުތައް ނިމުނީ 25-19، 25-14 އަދި 25-22 އިން ހުރާގެ ކާމިޔާބީއާ އެކުގައެވެ.

މެޗުގެ ފުރަތަމަ ދެ ސެޓު ހުރާއަށް ފަސޭހަކަމާއެކު ގެންދެވުނު ނަމަވެސް، ފަހު ސެޓުގައި ޖީޖީ އިން ވަނީ ރަނގަޅު ކުޅުމެއް ދައްކާފައެވެ. މި މެޗުގެ މޮޅު ކުޅުންތެރިޔާގެ މަގާމު ހާސިލުކުރީ ހުރާ ޓީމުގެ ރަޝިޔާގެ ކުޅުންތެރިޔާ ވެރޯނިކާ ޒުބަރޭވާއެވެ.