ވޮލީބޯލް އެސޯސިއޭޝަން އޮފް މޯލްޑިވްސްއިން އިންތިޒާމުކޮށްގެން ކުރިއަށްގެންދާ ވީއޭއެމް ކަޕް 2025 ގައި ރޭގައި ކުޅުނު މެޗުގައި އަސްދިގަ ސްޕޯޓްސް ކުލަބާ ވާދަކޮށް ސިޓީ ފްރެންޑްސް ކުލަބުން ވަނީ މުބާރާތުގެ ފުރަތަމަ މޮޅު ހޯދާފައިފިއެވެ.

ޒުވާނުންގެ މަރުކަޒުގެ އެތެރޭ ހޯލުގައި ކުޅުނު މި މެޗުގައި ސިޓީ ފްރެންޑްސް ކުލަބުން ދެއްކި ފެންވަރު ރަނގަޅު ކުޅުމާއެކު، އެ ޓީމުން ވަނީ ސީދާ ތިން ސެޓުން މޮޅުވެފައެވެ. މެޗުގެ ސެޓުތައް ސިޓީ ފްރެންޑްސް ކުލަބުން ގެންދިޔައީ 25-07، 25-12، އަދި 25-11 އިންނެވެ.

މި މެޗުގައި މެޗުގެ މޮޅު ކުޅުންތެރިޔާ (އެމްވީޕީ)ގެ މަޤާމަށް ހޮވުނީ ސިޓީ ފްރެންޑްސް ކުލަބުގެ ބިދޭސީ ކުޅުންތެރިޔާ ސޮމްވިޕަންގްއެވެ. މެޗުގައި އޭނާ ދެއްކި ހުނަރުވެރި ކުޅުމަކީ ޓީމުގެ މޮޅުވުމަށް މުހިންމު ދައުރެއް އަދާކުރި ކުޅުމެކެވެ.

މި މޮޅާއެކު ސިޓީ ފްރެންޑްސް ކުލަބަށް ވަނީ މުބާރާތުގައި ކުރިއަށް ދިއުމުގެ ފުރުސަތު އިތުރުވެފައެވެ.މިމުބާރާތުގައި މިއަދު ހަވީރު އަސްދިގަ ފްލެކްސޯ އާއި ދެކޮޅަށް ނިކުްނނައިރު، މިރޭގައި ގޫޑް ގޭމްސް ސްޕޯރޓްސް އެކަޑެމީ އާއި ވޮލީބޯލް ޔޫޓް ނިއު ޖެނެރޭޝަން ވާދަކުރާނެއެެވެ.