ވީއޭއެމް ކަޕްގައި ރޭގައި ގުޑް ގޭމްސް ސްޕޯޓްސް އިން ވޮލީބޯލް ޔޫތު ނިއު ޖެނެރޭޝަންގެ މައްޗަށް 3-1 ސެޓުން މޮޅުވެ، މުބާރާތުގެ ސެމީ ފައިނަލުގެ ހުރިހާ ޖާގައެއް ވަނީ ކަށަވަރުވެއްޖެއެވެ.

މެޗުގެ ފުރަތަމަ ސެޓު ވަރަށް ވާދަވެރި ގޮތެއްގައި ކުރިއަށްދިޔަ އިރު، އެ ސެޓު 26-24 އިން ކާމިޔާބުކުރީ ވޮލީބޯލް ޔޫތު ނިއު ޖެނެރޭޝަނުންނެވެ. ނަމަވެސް ޖެހިގެން އައި ދެ ސެޓުގައި ޔޫތު ނިއު ޖެނެރޭޝަންގެ ކުޅުން ދަށްވެ، ގުޑް ގޭމްސް އިން އެ ދެ ސެޓު 25-19 އަދި 25-10 އިން ކާމިޔާބުކުރިއެވެ.

Ad by Hajj Corporation

މެޗުގެ ހަތަރުވަނަ ސެޓުގައި ޔޫތު ނިއު ޖެނެރޭޝަނުން ގިނަ ވަގުތު ލީޑު ހިފަހައްޓައިގެން ކުޅުނު ނަމަވެސް، ސެޓުގެ ފަހުކޮޅު ގުޑް ގޭމްސް އިން ވިދިވިދިގެން ޕޮއިންޓްތަކެއް ނަގައި، 25-20 އިން އެ ސެޓު ކާމިޔާބުކޮށް މެޗު ނިންމާލިއެވެ.

މި މުބާރާތުގެ ސެމީ ފައިނަލުގައި ވާދަކުރާނެ ހަތަރު ޓީމު މިހާރު ވަނީ ކަނޑައެޅިފައެވެ. އެގޮތުން ކްލަބް ވެމްކޯ، ޕޮލިސް ކްލަބް، ހުރާ ކޮމިއުނިޓީ ކްލަބް އަދި ފްލެކްސާ ވަނީ ސެމީ ފައިނަލުގެ ޖާގަ ކަށަވަރުކޮށްފައެވެ.
މިމުބާރާތުގައި މިއަދު ހަވީރު ހުރާ އާއި ޕޮލިސް ކުލަބު ވާދަކުރާއިރު، މިރޭގައި ވެމްކޯ އާއި ސިޓީ ފްރެންޑްސް ކުލަބު ވާދަކުރާނެއެެވެ.