ހުޅުމާލޭގައި ޕާކުކޮށްފައި އޮއްވާ ވަގަށް ނެގި ކާރެއް ހޯދައި އޭގެ ވެރިފަރާތާ ހަވާލުކޮށްފި އެވެ.

ކާރުގެ ވެރިފަރާތުގެ ހާޒިރުގައި އުޅަނދު ޗެކުކުރިއިރު އެއްވެސް ގެއްލުމެއް ލިބިފައިނުވާކަމަށް ފުލުހުން ބުނެ އެވެ. ނަމަވެސް ކާރު ވަގަށް ނެގި މީހުން ވަނީ ރިމޯޓު ގެންގޮސްފައިކަމަށް ވެސް ފުލުހުން ބުނެ އެވެ.

Ad by Hajj Corporation

ފުލުހުން ބުނީ ރޭ ދަންވަރު 23:50 ހާއިރު، ހުޅުމާލެ ފިތުރޯނު މަގުގައި ކާރު ޕާކުކުރުމަށް ފަހު، 01:15 އެހައިކަންކާއިރު ކާރަށް އަރަން ވެރިފަރާތުން ދިޔައިރު، ޕާކުކުރި ތަނުގައި ކާރު ނެތް މައްސަލަ ރިޕޯޓުކޮށްފައިވާކަމަށެވެ. ކާރު ޕާކުކޮށްފައި އޮތީ އެތެރޭގައި ރިމޯޓު ބާއްވާފައިކަމަށް ފުލުހުން ބުނެ އެވެ. 

މި މައްސަލައާ ގުޅިގެން ސީސީޓީވީ ކެމެރާ ފުޓޭޖު ބެލިބެލުމުން، އަންހެނަކާއި ފިރިހެނަކު އެ ކާރަށް އަރައިގެންދާ މަންޒަރު ފެންނަ ކަމަށް ފުލުހުން ވަނީ ބުނެފަ އެވެ.

މި މައްސަލައާ ގުޅިގެން މިހާތަނަށް މީހަކު ހައްޔަރުކޮށްފައެއް ނުވެއެވެ. ފުލުހުން ބުނީ މި މައްސަލަ ތަހުގީގުކުރަމުން އަންނަ ކަމަށެވެ.