ޓިކްޓޮކް އިން ކްރިއޭޓަރުންނަށް އާމްދަނީ ލިބޭނެ ގޮތަކާއި ބެހޭ ގޮތުން އިގްތިސާދީ ތަރައްގީއާ ވިޔަފާރިއާ ބެހޭ ވުޒާރާއާއެކު މަޝްވަރާކޮށްފިއެވެ.

މި މަޝްވަރާތައްކޮށްފައިވަނީ ޓިކްޓޮކްގެ އިސްވެރިންގެ ވަފުދެއް މިހާރު ރާއްޖެއަށް ކުރަމުންދާ ދަތުރުގެ ތެރެއިންނެވެ.

Ad by Hajj Corporation

އެކަމާ ގުޅޭ ގޮތުން އިގްތިސާދީ ތަރައްގީއާ ބެހޭ ވުޒާރާއިން ބުނި ގޮތުގައި، ޓިކްޓޮކްގެ ވެރިންނާއެކު ބޭއްވި ބައްދަލުވުމުގައި ޓިކްޓޮކްއާ ގުޅިގެން ޑިޖިޓަލް މޮނެޓައިޒޭޝަންގެ އާ މަގުތައް ހުޅުވުމަށް ކުރެވޭނެ ކަންކަމާ ބެހޭ ގޮތުން ޓިކްޓޮކްގެ އިސްވެރިންގެ ވަފުދާ އާއެކު މަޝްވަރާކޮށްފައިވާ ކަމަށެވެ.

އަދި އެކަމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މެނިފެސްޓޯގައި ހިމެނޭ ކްރިއޭޓިވް އިކޮނޮމީގެ ލަނޑުދަނޑިތައް ޙާސިލްކުރުމަށް ކުރެވޭ މުހިންމު ކަމެއް ކަމުގައި ވެސް އެ ވުޒާރާއިން ބުންޏެވެ.

ޓިކްޓޮކް އަކީ މިހާރު ވެސް ރާއްޖޭގެ ގިނަ ކްރިއޭޓަރުން ބޭނުންކުރާ ޕްލެޓްފޯމަކަށް ވާއިރު، އެ ޕްލެޓްފޯމުން ގިނަ ފަރާތްތަކުން އާމްދަނީ ވެސް ހޯދައެވެ.