މިއަހަރުގެ ވޮލީބޯލް ސީޒަންގެ ދެވަނަ މުބާރާތް ކަމުގައިވާ ނޭޝަނަލް ވޮލީބޯލް ލީގުގެ ފެށުމުގައި ޕޮލިސް ކްލަބާއި ވެމްކޯ ވަނީ މޮޅަކުން ފަށާފައެވެ.

ލީގުގެ ފުރަތަމަ މެޗުގައި ޕޮލިސް ކްލަބުން ވަނީ ފްލެކްސަރ ސްޕޯޓްސް ކްލަބާ ކުރިމަތިލައި 3-1 އިން މޮޅުވެފައެވެ. މި މެޗުގެ ފުރަތަމަ ސެޓު 25-20 އިން ޕޮލިސް ޓީމުން ކާމިޔާބުކުރިއެވެ. އެންމެ ވާދަވެރި ކުޅުމެއް ފެނިގެން ދިޔަ ދެވަނަ ސެޓު ފްލެކްސަރއިން ކާމިޔާބުކުރީ 28-26 އިންނެވެ. މި މެޗުގެ އެންމެ މޮޅު ކުޅުންތެރިޔާގެ މަގާމު ހޯދީ ޕޮލިސް ޓީމުގެ ބިދޭސީ ކުޅުންތެރިޔާ ސޯފިއާއެވެ.

ޕޮލިސް ކްލަބުން ވަނީ ފްލެކްސަރ ސްޕޯޓްސް ކްލަބު ބަލިކޮށްފައި. ފޮޓޯ: ވީއޭއެމް

ދެވަނަ މެޗުގައި ވެމްކޯއިން ވަނީ ހުރާ ކޮމިއުނިޓީ ކްލަބާ ކުރިމަތިލައި 3-1 އިން މޮޅުވެފައެވެ. މި މެޗުގެ ފުރަތަމަ ސެޓު ވެމްކޯއިން ކާމިޔާބުކުރީ 25-19 އިންނެވެ. ދެވަނަ ސެޓު 25-22 އިން ކާމިޔާބުކުރުމަށްފަހު، ތިންވަނަ ސެޓު ހުރާއިން 25-16 އިން ކާމިޔާބުކުރިއެވެ. ނަމަވެސް ހަތަރުވަނަ ސެޓުގައި ވެމްކޯގެ ކުޅުން އިތުރަށް ރަނގަޅުވެ، 25-15 އިން ސެޓު ކާމިޔާބުކޮށް މެޗުން މޮޅުވިއެވެ. މި މެޗުގެ އެންމެ މޮޅު ކުޅުންތެރިޔާގެ މަގާމު ހޯދީ ވެމްކޯގެ ތައިލެންޑް ކުޅުންތެރިޔާ ޕައްޓިއާއެވެ.

މިއަހަރުގެ ވޮލީ ލީގުގައި 4 ޓީމު ވާދަކުރާއިރު، މިއީ މީގެ ދެވަނަ މުބާރާތެވެ.